·        

პირობები:

1. აღნიშნული ფართი განკუთვნილია სანომრე ნიშნების მოხსნა-მიმაგრების სერვისის გასამართად (მოხსნა- მიმაგრებისთვის გაწეული მომსახურების საფასური ერთ ავტომობილზე არ უნდა აღემატებოდეს ხუთ ლარს) და სანომრე ნიშნების ჩარჩოების რეალიზაციისთვის, დაუშვებელია მოიჯარის მიერ აღნიშნული ფართის სხვა დანიშნულებით გამოყენება;

2.  აუქციონში გამარჯვებულმა პირმა სსიპ-საქართველოს შსს მომსახურების სააგენტოს უნდა წარმოუდგინოს:

ა)  სსიპ-საქართველოს შსს მომსახურების სააგენტოს მიმართ დავალიანების არქონის შესახებ ცნობა;

ბ) ცნობა საგადასახადო დავალიანების არქონის შესახებ;

გ) უპირობო და გამოუხმობი საბანკო გარანტია ქირავნობის ერთი თვის საფასურის არანაკლებ ორმაგ ოდენობაზე, რომლის მოქმედების ვადაც უნდა იყოს 2026 წლის 15 ოქტომბრამდე.

დ) აუქციონში მონაწილეობა არ უნდა მიიღოს პრეტენდენტმა, რომლის მიერაც ამავე ფართის სარგებლობაში გადაცემის შესახებ ხელშეკრულება წარსულში ვადამდე იქნა შეწყვეტილი საკუთარი ინიციატივით; 

 ე) სამეწარმეო საქმიანობის განხორციელების უფლებამოსილების დამადასტურებელი დოკუმენტაცია (ამონაწერი სამეწარმეო რეესტრიდან).

3. აუქციონში გამარჯვებული პირი ვალდებულია დაფაროს საიჯარო ხელშეკრულების საჯარო რეესტრის ეროვნულ სააგენტოში რეგისტრაციის ხარჯები;

4. ყოველთვიურ გადასახდელ საიჯარო გადასახადს წარმოადგენს აუქციონის დასრულებისას დაფიქსირებული მაქსიმალური თანხა. (აღნიშნული გადასახადის ვადა და პირობები შეთანხმდება ხელშეკრულების დადების ეტაპზე საქართველოს კანონმდებლობის შესაბამისად);

5. ქონება იჯარით გაიცემა ორი წლის ვადით.

6. სსიპ საქართველოს შსს მომსახურების სააგენტოს უფლება აქვს მოსთხოვოს შესაბამისი ზიანის ანაზღაურება იმ პირს, რომელიც წინასწარი შეცნობით გაიმარჯვებს ზემოაღნიშნულ აუქციონში მითითებული პირობების არ 

 არსებობის შემთხვევაში.

 7. სსიპ-საქართველოს შინაგან საქმეთა სამინისტროს მომსახურების სააგენტოს კუთვნილ ტერიტორიაზე არსებულ შენობაში, კერძოდ  „E“ ბლოკში 6 კვ.მ ფართის და „B” ბლოკად აღნიშნული შენობა-ნაგებობის მიმდებარედ არსებული 2 (ორი) კვ.მ მიწის ნაკვეთი (ჯიხურის (რომლის დიზაინი უნდა შეთანხმდეს სააგენტოს ადმინისტრაციასთან) განთავსების მიზნით) იჯარის წესით გასხვისება - აღნიშნულ ფართებზე ავტომანქანების სამონრე ნიშნების მოხსნა-დაყენების სერვისის განთავსების მიზნით.

8. აუქციონში გამარჯვებულმა პირმა სსიპ-საქართველოს შსს მომსახურების სააგენტოსთან 15 (თხუთმეტ) კალენდარულ დღეში უნდა გააფორმოს ხელშეკრულება.