1. სადემონტაჟო სამუშაოები უნდა განხორციელდეს კალენდარული გეგმის შესაბამისად, ხელშეკრულებით გათვალისწინებული სამუშაოების დაწყებიდან 2 (ორი) თვის ვადაში.
 
2.   გამარჯვებულმა    დემონტაჟი უნდა განახორციელოს  შპს „სტუგრუპის“ მიერ შედგენილი სსიპ დუშეთის მუნიციპალიტეტის სოფელ პავლეურის საჯარო სკოლის   ბალანსზე რიცხული შენონა-ნაგებობის (ს.კ. 71.55.07.648, N1 შენობა-ნაგებობა) სადემონტაჟო სამუშაოთა პროექტის მოთხოვნათა დაცვით.
 
3.    დემონტაჟი აუცილებელია განხორციელდეს „მშენებლობის ნებართვის გაცემისა და შენობა-ნაგებობის ექსპლუატაციაში მიღების წესისა და პირობების შესახებ“ საქართველოს მთავრობის 2019 წლის 31 მაისის N255 დადგენილების შესაბამისად, უსაფრთხოების ნორმების დაცვით.

4.     აუქციონში გამარჯვებული პირი ვალდებულია გამარჯვებიდან არაუგვიანეს 5 სამუშაო დღისა სსიპ  დუშეთის მუნიციპალიტეტის სოფელ პავლეურის საჯარო სკოლასთან გააფორმოს შესაბამისი ხელშეკრულება, დემონტაჟის შედეგად მისაღებ მეორად სამშენებლო მასალების (მარაგების) და გამოუსადეგარი სამშენებლო ნარჩენების ტერიტორიიდან გატანის პირობით.

5.    გამარჯვებული ვალდებულია ხელშეკრულების გაფორმებამდე წარმოადგინოს შემდეგი სახის დოკუმენტები: ა) ინფორმაცია მინიმუმ ხუთწლიანი სამუშაო გამოცდილების შესახებ; ბ) საგადასახადო დავალიანების არქონის დამადასტურებელი დოკუმენტი; გ) ცნობა, რომ არ არის რეგისტრირებული მოვალეთა რეესტრში; დ) ერთი წლის განმავლობაში მინიმუმ 50 000 ლარიანი ბრუნვის ქონის დამადასტურებელი დოკუმენტი; ე) თუ გამარჯვებული იურიდიული პირია ამონაწერი მეწარმეთა რეესტრიდან.

6. გამარჯვებულს აუცილებლად უნდა ჰყავდეს სადემონტაჟო სამუშაოთა განსახორციელებელად შესაბამისი სატრანსპორტო საშუალებები, რასაც უნდა ადასტურებდეს შესაბამისი დოკუმენტებით.

7.  აუქციონში გამარჯვებული ვალდებულია საპრივატიზებო თანხა  სრულად უნდა დაფაროს ხელშეკრულების გაფორმებიდან 10 (ათი) სამუშაო დღის განმავლობაში გამყიდველის მიერ მითითებულ ანგარიშზე ჩარიცხვის გზით  ან წარმოადგინოს საქართველოს კომერციული ბანკების მიერ გაცემული უპირობო და გამოუხმობადი საბანკო გარანტია, ასეთ შემთხვევაში,  საქართველოს კომერციული ბანკების მიერ გაცემული  უპირობო და გამოუხმობადი საბანკო   გარანტიის მოქმედების ვადა 1 თვით უნდა აღემატებოდეს ხელშეკრულებით გათვალისწინებული ვალდებულებების შესრულების ვადას.

8. ხელშეკრულებით გათვალისწინებული ვალდებულებების შესრულებების დასადასტურებლად,გამარჯვებული ვალდებულია სამუშაოს დასრულებიდან გონივრულ  ვადაში წარმოადგინოს სადემონტაჟო სამუშაოების შესრულების საბოლოო ანგარიში, რის შემდეგაც შესრულებული სამუშაოს მიხედვით ფორმდება სადემონტაჟო სამუშაოების შესრულების მიღება ჩაბარების აქტი, რაც წარმოადგენს "მყიდველის" მიერ ხელშეკრულებით ნაკისრი ვალდებულებების შესრულების დადასტურებას.    

                              
9. თუ სახელმწიფო ქონების სარგებლობის უფლების მიღებით დაინტერესებულმა პირმა არ უზრუნველყო აუქციონის მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა, წარდგენილი საგარანტიო თანხა უბრუნდება დაინტერესებულ პირს;

10. ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიის/ბეს თანხა სრულად ირიცხება ბიუჯეტში, თუ ელექტრონულ აუქციონში გამარჯვებულმა გამარჯვებიდან 5 სამუშაო დღის ვადაში არ წარმოადგინა აუქციონის მე-5 და მე-6 პირობით გათვალისწინებული დოკუმენტები და უარი განაცხადა ხელშეკრულების გაფორმებაზე.

 
11. სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე/უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა. მიმაგრებულ ფაილებში ასევე, იხილეთ ‘’სახელმწიფო ქონების განკარგვის და სარგებლობის უფლებით გადაცემისას ელექტრონული აუქციონის ჩატარების წესის დამტკიცების შესახებ’’ საქართველოს ეკონომიკისა და მდგრადი განვითარების მინისტრის 2011 წლის 10 თებერვლის N1-1/172 ბრძანება.