სსიპ ქ. თბილისის ზაქარია ფალიაშვილის სახელობის ოპერისა და ბალეტის პროფესიული სახელმწიფო თეატრის ეზოში მდებარე 232 კვ/მ შენობის ფართი, კვების ობიექტის (სასადილოს) ფუნქციონირებისათვის.

სასადილოსიჯარითგადაცემისპირობები:

1) საწყისი ყოველთვიური იჯარის ღირებულება შეადგენს 1 400 (ერთი ათას ოთხასი) ლარს, დღგ-ს ჩათვლით. 

2) ქონების სარგებლობაში გადაცემის ვადა შეადგენს 2 წელს;

3) ხელშეკრულების გაფორმებიდან 10 (ათი) დღის ვადაში მოიჯარემ უნდა  უზრუნველყოს სასადილოს გამართულად ფუნქციონირება;

4) ყოველი თვის ბოლო სამუშაო დღეს შეათანხმოს მეიჯარის შესაბამის წარმომადგენელთან მომდევნო თვის მენიუ (მენიუ უნდა იყოს წარმოდგენილი ულუფებით და არა გრამებით) ფასების მითითებით. მითითებული ფასები არ უნდა აღემატებოდეს საცალო ქსელში არსებულ ფასებს და საცალო ქსელში ფასების ცვლილების შემთხვევაში, მეიჯარის მოთხოვნით მოიჯარე ვალდებულია უზრუნველყოს ფასების ცვლილება;

5) უზრუნველყოს ყოველდღიურად სასადილოში შემდეგი ასორტიმენტით მომსახურების გაწევა:

ა)მინიმუმ 2 სახეობის წვნიანი (მინიმუმ ერთი ხორციანი და მინიმუმ ერთი ვეგეტარიანული/სამარხვო;
ბ) მინიმუმ 6  სახეობის ცხელი კერძი (მათ შორის მინიმუმ 4 ხორციანი და მინიმუმ 2 ვეგეტარიანული/სამარხვო);
გ) მინიმუმ 3 სახეობის ცხელი გარნირი;
დ) მინიმუმ 3 სახეობის  სალათა;
ე) მინიმუმ 3 სახეობის ცივი კერძი;
ვ) პურ-ფუნთუშეული;
ზ) სხვადასხვა დასახელების ცომეული, კერძოდ, სხვადასხვა სახეობის ხაჭაპურები, ლობიანი, ღვეზელები, ხორციანი, ყველიანი და სხვა ვეგეტარიანული/სამარხვო შიგთავსის ბლინჩიკები და ა.შ.
თ) რძის პროდუქტები (მინიმუმ ორი სახეობის ყველი, მაწონი, არაჟანი, ხაჭო, იოგურტი, კეფირი);
ი) მინიმუმ 2 სახეობის ნამცხვარი  (მათ შორის 1  კრემიანი);
კ)  მინიმუმ 2 დასახელების ხილი (სეზონურობის მიხედვთ);
ლ)  სხვადასხვა სახეობის ტკბილეული (შოკოლადები, ორცხობილები, თხილი);
მ)  წვენები, გამაგრილებები გაზიანი სასმელები და წყალი;
ნ)  ნაყინი;
ო)  სენდვიჩები და ჰამბურგერები;
ფ)  ყავა, ჩაი.

შენიშვნა: მოიჯარეს შეუძლია დამატებითი ასორტიმენტის შეთავაზება მეიჯარესთან შეთანხმებით.

6) მეიჯარის  მოთხოვნით 2(ორი) დღის ვადაში გარკვეული ცვლილებების შეტანა ასორტიმენტში (საჭიროების შემთხვევაში ასორტიმენტის გაზრდა);
7) უზრუნველყოს სასადილოს ფუნქციონირება (მზაობა მომხმარებლის მიღებაზე) 10:00 სთდან 22:00 საათამდე;
8) გაუფრთხილდეს მისთვის გადაცემულ ფართს, სხვადასხვა ინვენტარს და მოწყობილობებს, აანაზღაუროს ყოველი მიყენებული ზიანი სრულად, მოიყვანოს პირვანდელ მდგომარეობაში;
9) მოთხოვნის საფუძველზე წარუდგინოს მეიჯარეს საიჯარო ქონებასთან დაკავშირებული ნებისმიერი დოკუმენტი ან/და ინფორმაცია;
10) აცნობოს მეიჯარეს ყველა იმ გარემოების შესახებ, რამაც შეიძლება გავლენა იქონიოს საიჯარო ქონებაზე;
11) საიჯარო ხელშეკრულების მოქმედების პერიოდში არ დაუშვას საიჯარო ფართის კონსტრუქციული სახის ცვლილება;
12) უზრუნველყოს პლასტიკური ბარათებით გადახდის შესაძლებლობა და პლასტიკური ბარათებით მომსახურების შემთხვევაში ტრანზაქცია განახორციელოს დამატებითი თანხების დარიცხვის შემთხვევაში;
13) მეიჯარის მოთხოვნის შემთხვევაში, არანაკლებ კვარტალში ერთხელ წარმოადგინოს მომზადებული კერძების (მეიჯარის მიერ შერჩევით აღებული და დალუქულ კონტეინერში მოთავსებული მინიმუმ 3 კერძი) ხარისხის და სასადილოს სანიტარულ-ჰიგიენური მდგომარეობის შესახებ საექსპერტო  დასკვნა შესაბამისი უფლებამოსილი სამსახურიდან;
14) მეიჯარის სამართლიანი/დასაბუთებული მოთხოვნის შემთხვევაში, არ გამოიყენოს ესა თუ ის პროდუქტი სარეალიზაციოდ ან კერძის მოსამზადებლად;
15) უზრუნველყოს ,,სურსათად/ცხოველის საკვებად განკუთვნილი გენეტიკურად მოდიფიცირებული ორგანიზმებისა და მათგან წარმოებული გენმოდიფიცირებული პროდუქტის ეტიკეტირების შესახებ’’ საქართველოს კანონისა და საქართველოს მთავრობის 2015 წლის 07 ივლისის #320 დადგენილებით განსაზღვრული მოთხოვნების სრული დაცვა;
16) მინიმუმ სამ თვეში ერთხელ, საჭიროების შემთხვევაში კი მეიჯარის წერილობითი მოთხოვნიდან არაუგვიანეს  3(სამი) დღეში,  უზრუნველყოს კვების ობიექტში არსებული მოწყობილობების და დანადგარების გენერალური დასუფთავება და დეზინფიცირება;
17) არ გამოიყენოს ერთხელ უკვე მოხმარებული ცხიმი და ცხიმის შემცვლელი პროდუქტები ხელმეორედ;
18) მალფუჭებადი პროდუქტების რეალიზაცია მოახდინოს ,,განსაკუთრებით მალფუჭებადი პროდუქტების შენახვის პირობებისა და ვადების დამტკიცების შესახებ’’ საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს #303/ნ ბრძანების მოთხოვნების სრული დაცვით;
19) უზრუნველყოს მუდმივი ორგანიზებულობის აუცილებელი პირობები, დარბაზის სისუფთავე და სხვა;20) დროულად და ჯეროვნად შეასრულოს ხელშეკრულებით ნაკისრი ვალდებულებები და მეიჯარის მოთხოვნები.

21. მოიჯარე ვალდებულია, საიჯარო ქირა გადაიხადოს ყოველი მომდევნო თვის  5 რიცხვის ჩათვლით. საიჯარო ქირაში შედის კომუნალური გადასახადები ( დენი, გათბობა, წყალი).

22. მოიჯარეს ეკისრება, ბეს თანხის გადახდა, ერთი თვის საიჯარო ქირის  ექვსმაგი ოდენონობით.

23.მოიჯარემ  ზემოაღნიშნული ობიექტების მოწყობის პროცესში უნდა გაითვალისწინოს თეატრის, როგორც ისტორიულ/კულტურული მემკვიდრეობის ძეგლის სტატუსი და მის მიერ წარმოებული ყველა სამუშაო განახორციელოს საქართველოს მოქმედი კანონმდებლობის შესაბამისად;

24.  მოიჯარემ უნდა უზრუნველყოს საკუთარი საქმიანობის წარმართვა საქართველოს მოქმედი კანონმდებლობის სრული დაცვით;

25.მეიჯარეს უფლება აქვს, 2 (ორი) კვირის ვადაში  ცალმხრივად მოშალოს საიჯარო ხელშეკრულება, თუ ეს მოთხოვნილი იქნება საქართველოს ეკონომიკისა და მდრადი განვითარების სამინისტროს ან/და მის სისტემაში შემავალი - სსიპ ქონების მართვის ეროვნული სააგენტოს მიერ.

26.სახელმწიფო საკუთრებაში არსებული ქონების სარგებლობის უფლებით გამცემ ორგანოსა და სარგებლობის უფლების მიმღებ პირს შორის იდება ხელშკრულება სარგებლობის უფლებით ფართის გადაცემის შესახებ, რომელიც ექვემდებარება სსიპ ,,საჯარო რეესტრის ეროვნულ სააგენტოში“ რეგისტრაციას. აუქციონის ფორმით სახელმწიფო ქონების სარგებლობის უფლებით გაცემისას ხელშეკრულება იდება აუქციონის ჩატარებიდან 1 (ერთი) კვირის ვადაში. ხელშკრულების საჯარო რეესტრში რეგისტრაციის ვალდებულება ეკისრება აუქციონში გამარჯვებულს.