სსიპ თბილისის კლასიკური გიმნაზია აცხადებს ელექტრონულ აუქციონს და იჯარის ფორმით გაიცემა გიმნაზიის სარგებლობაში არსებული 78,57 კვ.მ. ფართის მქონე უძრავი ქონება (მდებარეობს ჭიჭინაძის ქუჩასა და გიმნაზიის სპორტულ დარბაზს შორის) ღია კაფეს მოწყობის მიზნით. 

ფართი იჯარის ფორმით გაიცემა 1 წლის ვადით.

აუქციონის საწყისი თანხა წარმოადგენს ფართის სარგებლობაში გასაცემი ქონების საწყის  1 თვის ქირას.

საგარანტიო თანხა ჩაითვლება ხელშეკრულების ღირებულებაში.

იჯარის აუცილებელ პირობად განისაზღვრება ტერიტორიის დასუფთავება, სანიტარულ-ჰიგიენური მდგომარეობის დაცვა, მიმდინარე რემონტის განხორციელება.

აუცილებელი პირობა: იჯარით გაცემულ ფართში არ გაიყიდება აკრძალული საქონელი (ალკოჰოლური სასმელი, თამბაქო და სხვა), აღნიშნული ტერიტორია არ იქნება ხელმისაწვდომი სკოლის მოსწავლეებისთვის, დაცული იქნება სანიტარულ-ჰიგიენური და უსაფრთხოების ნორმები, ხელი არ შეეშლება სასწავლო პროცესის მიმდინარეობას, არ მოხდება სკოლის საკუთრებაში არსებული უძრავ/მოძრავი ქონების დაზიანება და დაცული იქნება მოსწავლეთა უსაფრთხოება.

მოიჯარე ვალდებული იქნება, მოხმარების შემთხვევაში განახორციელოს ელ. ენერგიის, სასმელი წყლისა და ბუნებრივი აირის (საჭიროების შემთხვევაში) გამხოლოება.

მოიჯარე ვალდებულია გადაიხადოს მოხმარებული კომუნალური გადასახადები ყოველთვიურად. მოიჯარე ვალდებულია დაიცვას სანიტარული, უსაფრთხოების  და ხანძარსაწინააღმდეგო ნორმები. ასევე ვალდებულია ხელი არ შეუშალოს სასწავლო პროცესის მიმდინარეობას.

აუცილებელი პირობაა: სსიპ ,,სახელმწიფო ქონების ეროვნული სააგენტოს" წერილობითი მოთხოვნიდან არაუმეტეს ორი კვირის ვადაში გაუქმებული იქნება საიჯარო ხელშეკრულება.

ხელშეკრულება შესაძლებელია შეწყდეს ვადაზე ადრე, თუ იგი გამოწვეულია სახელმწიფო პოლიტიკით, კანონმდებლობის ცვლილებით, საქართველოს განათლებისა და მეცნიერების სამინისტროს მოთხოვნით, სკოლაში სამშენებლო/სარეაბილიტაციო სამუშაოების დაწყებისა და კანონმდებლობით გათვალისწინებულ სხვა შემთხვევებში.

გამარჯვებული პრეტენდენტი ვალდებული იქნება ხელი არ შეუშალოს სასწავლო პროცესის მიმდინარეობას,  არ მოხდება სკოლის საკუთრებაში არსებული უძრავ/მოძრავი ქონების დაზიანება, დაცული იქნება მოსწავლეთა უსაფრთხოება

ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიის /ბეს თანხა სრულად ირიცხება სკოლის ბიუჯეტში, თუ ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა კანონმდებლობით დადგენილ ვადაში;