1.      უზრუნველყოს საიჯარო ფართის  მოვლა - პატრონობა, უსაფრთხოებისა და სანიტარულ - ჰიგიენური  ნორმების დაცვა;

2.      საწყისი ფასი წარმოადგენს ერთი თვის საწყის საიჯარო ქირას,   რომელიც მოიცავს კომუნალურ ხარჯებს  და დღგ-ს.

3.      იჯარის საგანზე (შენობის სახურავზე, შენობის მიმდებარე ტერიტორიაზე)  განათავსოს 1 ცალი ანტენა არა უმეტეს 10 მეტრი სიმაღლისა და მოძრავი აპარატურა/დანადგარი.

4.      საკუთარი ხარჯებით უზრუნველყოს ანტენის  განთავსება და ფუნქციონირების უზრუნველყოფა საიჯარო ტერიტორიაზე;

5.      ქონება გამოიყენოს მხოლოდ ხელშეკრულებით გათვალისწინებული საქმიანობისთვის;

6.      დროულად, სრულად და ჯეროვნად გადაუხადოს “მეიჯარეს” „საიჯარო ქირა“  ხელშეკრულებით გათვალისწინებული წესითა და ოდენობით

7.      უზრუნველყოს იჯარის ხელშეკრულების რეგისტრაცია საკუთარი ხარჯით საჯარო რეესტრის ეროვნულ სააგენტოში;

8.      სახელმწიფო ქონების ეროვნული სააგენტოს მიერ ხელშეკრულების გაუქმების შესახებ მოთხოვნის შემთხვევაში წერილობითი მოთხოვნიდან, არაუმეტეს 2 კვირისა დაცალოს მასზედ იჯარით გადაცემული ფართი.

9.      საკუთარი სახსრებით უზრუნველყოს ფართის შიდა ტელეკომუნიკაცია;

10.   მხოლოდ მეიჯარის თანხმობით გასცეს ფართი ქვეიჯარის უფლებით.

11.   საიჯარო ქირა გადაიხადოს ყოველი საბანკო თვის დასრულებიდან არაუგვიანეს 5 სამუშაო დღის ვადაში.

12.   ინტერნეტ-აუქციონის დასრულების დღიდან, 15 კალენდარულ დღეში მეიჯარესა  და ინტერნეტ-აუქციონში გამარჯვებულს შორის ფორმდება ხელშეკრულება  ქონების დროებით სასყიდლიან სარგებლობაში, იჯარის ფორმით გადაცემის თაობაზე, იმ პირობების გათვალისწინებით რომლის შინაარსიც გამოქვეყნებულია ლოტის საინფორმაციო ველში.

აუქციონში გამარჯვებული ვალდებულია დაემორჩილოს შემდეგი ნორმატიულ აქტების მოთხოვნებს:

-        საქართველოს კანონი „სახელმწიფო ქონების შესახებ“;

-        საქართველოს ეკონომიკისა და მდგრადი განვითარების მინისტრის 2011 წლის 10 თებერვლის ბრძანება #1-1/172 „სახელმწიფო ქონების განკარგვისას და სარგებლობის უფლებით გადაცემისას ელექტრონული აუქციონის ჩატარების წესის დამტკიცების შესახებ“

აუქციონში გამარჯვებულის გამოვლენის კრიტერიუმია დროებით სასყიდლიან სარგებლობაში (იჯარით) გადაცემის საწყის  ღირებულებაზე ბიჯის დანამატის შედეგად მაქსიმალური საფასურის შეთავაზება.