შენიშვნა:

ა)სარგებლობაში გადაცემის ვადა (შესაბამისი ხელშეკრულების გაფორმებიდან) -15 წელი. 
 
ბ) სარგებლობის მესამე წლიდან გადასახდელი საწყისი ყოველწლიური საიჯარო ქირა -21 255 ლარი. 

გ) უპირობო და გამოუხმობი საბანკო გარანტიის მოქმედების ვადა 7 კალენდარული დღით უნდა აღემატებოდეს სარგებლობაში გაცემის ვადას. 

დ)საიჯარო ხელშეკრულების ვადამდე შეწყვეტის  შემთხვევაში სარგებლობის  უფლების  მიმღების  მიერ  ელექტრონულ აუქციონში მონაწილეობის მისაღებად გადახდილი უპირობო და გამოუხმობი საბანკო გარანტიის/ბე-ს თანხა სრულად ირიცხება შესაბამის ბიუჯეტში და მოიჯარის მიერ უძრავ ქონებაზე გაწეული ხარჯები არ ანაზღაურდება. 

ე) იჯარის უფლება არ ითვალისწინებს გადაცემულ ქონებაზე მიწასთან მყარად/უძრავად დაკავშირებული შენობა-ნაგებობების განთავსების შესაძლებლობას.

 ვ)ობიექტს იყენებენ პირები მართლზომიერი ფლობის დამადასტურებელი დოკუმენტის გარეშე. 

ზ) სარგებლობაში გადასაცემ ობიექტზე განთავსებული მოძრავი ქონება არ წარმოადგენს სარგებლობაში გადაცემის საგანს. 

თ)ობიექტზე გადის შპს „ახალი ქსელების“ საკუთრებაში არსებული N03.00.002 საკადასტრო კოდით რეგისტრირებული ხაზოვანი ნაგებობა (საკომუნიკაციო ნაგებობა).

ა) სარგებლობაში გადაცემის საფასურის გადახდა შემდეგი სახით:

ა.ა)შესაბამისი ხელშეკრულების გაფორმებიდან 2 (ორი) წლის განმავლობაში  - ყოველწლიურად 1 (ერთი) ლარის ოდენობით;

ა.ბ) „ა.ა“ ქვეპუნქტით გათვალისწინებული ვადის გასვლის შემდგომ, იჯარის უფლების მოქმედების პერიოდში – ყოველწლიურად აუქციონზე განხორციელებული ვაჭრობის (საწყისი საიჯარო ქირა  21 255 (ოცდაერთი ათას ორას ორმოცდათხუთმეტი) ლარი) შედეგად განსაზღვრული ოდენობით;  

ბ) შესაბამისი ხელშეკრულების გაფორმებიდან 36 (ოცდათექვსმეტი) თვის ვადაში, პირადად ან მესამე პირის მეშვეობით, საიჯარო უძრავ ქონებაზე ან მის ნაწილზე შეზღუდული შესაძლებლობის მქონე პირების (მათ შორის, ცერებრალური დამბლისა და აუტიზმის სპექტრის აშლილობის დიაგნოზის მქონე ბენეფიციარების)მომსახურებისათვის განკუთვნილი სარეაბილიტაციო ცენტრის მოწყობა (რაც მოიცავს (მაგრამ შესაძლოა, არ შემოიფარგლებოდეს) ამავე უძრავ ქონებაზე არსებული შენობა-ნაგებობ(ებ)ის ან/და მისი ნაწილის რემონტს და სარეაბილიტაციო ცენტრის აღჭურვას) და ამავე სარეაბილიტაციო ცენტრის ფუნქციონირების დაწყება;

გ) „ბ“ პუნქტით გათვალისწინებული ვალდებულების შესრულების მიზნით, პირადად ან მესამე პირის მეშვეობით, არანაკლებ 300 000 (სამასი ათასი) ლარის დანახარჯის/ინვესტიციის (დამატებული ღირებულების გადასახადის გათვალისწინების გარეშე) განხორციელება;

 დ) „ბ“ პუნქტით გათვალისწინებული სარეაბილიტაციო ცენტრის პროფილის შენარჩუნება შესაბამისი საიჯარო ხელშეკრულების მოქმედების განმავლობაში.

მოსარგებლე ვალდებულია შესაბამისი ხელშეკრულების გაფორმებამდე სსიპ სახელმწიფო ქონების ეროვნულ სააგენტოში წარმოადგინოს,,გ“ პუნქტით განსაზღვრული საინვესტიციო თანხის არანაკლებ 10%-ის ოდენობის უპირობო და გამოუხმობი საბანკო გარანტია, რომლის ვადაც არანაკლებ 4 (ოთხი) თვით უნდა აღემატებოდეს,,ბ“ პუნქტით გათვალისწინებულ ვადას და რომელიც მისი მოქმედების განმავლობაში უზრუნველყოფს „ა-დ“ პუნქტებით გათვალისწინებული სარგებლობის პირობების შესრულებას (მათ შორის, ამ ვალდებულებ(ებ)ის შეუსრულებლობისათვის შესაბამისი ხელშეკრულების საფუძველზე დაკისრებული პირგასამტეხლოს გადახდას).