მყიდველი ვალდებულია: 

1.                   გამოცხადდეს ნასყიდობის ხელშეკრულებაზე ხელის მოწერის მიზნით  შპს „მოსავლის მართვის კომპანიაში“ აუქციონის დასრულებიდან ხუთი კალენდარული დღის ვადაში;

2.                   დაფაროს შესყიდული მოძრავი ქონების ღირებულება ხელშეკრულების გაფორმებიდან 30 კალენდარული დღის ვადაში;

3.                   გაიტანოს შესყიდული მოძრავი ქონება მისი შენახვის ადგილიდან აუქციონზე თავის მიერ დასახელებულ თანხის სრულად დაფარვის შემდეგ, ხელშეკრულების გაფორმებიდან 30 კალენდარული დღის ვადაში;

4.      აუქციონში გამარჯვებული ვალდებულია ქონების გატანა განახორციელოს  თავისი სახსრებით.

თუ ელექტრონულ აუქციონში მონაწილე ვერ გაიმარჯვებს, მას უპირობო და გამოუხმობი საბანკო გარანტიის/ბეს თანხა უკან უბრუნდება, ხოლო გამარჯვების შემთხვევაში - უპირობო და გამოუხმობი საბანკო გარანტიის/ბეს თანხა ითვლება აუქციონის საბოლოო/შეთავაზებულ ფასში.

ელექტრონულ აუქციონში მონაწილის უპირობო და გამოუხმობი საბანკო გარანტიის/ბეს თანხა უკან დაბრუნებას არ ექვემდებარება თუ:

1.   ელექტრონულ აუქციონში გამარჯვებული დადგენილ ვადაში არ გადაიხდის ელექტრონულ აუქციონზე თავის მიერ დასახელებულ თანხას.

დამატებითი პირობები:

1.     უპირობო და გამოუხმობი საბანკო გარანტიის მოქმედების ვადა არანაკლებ 30 კალენდარული დღით უნდა აღემატებოდეს ნასყიდობის საფასურის სრულად გადახდის ბოლო ვადას.

აუქციონის შედეგები უქმდება თუ:

1.       აუქციონის გამარჯვებულმა განსაზღვრულ ვადაში სრულად არ გადაიხადა ნასყიდობის საფასური;

2.     აუქციონში გამარჯვებულმა უარი განაცხადა ნასყიდობის ხელშეკრულების ხელმოწერაზე, აღნიშნულ შემთხვევაში წარმოდგენილი უპირობო და გამოუხმობი საბანკო გარანტიის /ბე-ს თანხა არ უბრუნდება აუქციონში გამარჯვებულს.