დამატებითი ინფორმაციისათვის დაგვიკავშირდით შემდეგ ნომერზე; 577 33 48 84

1. საწყისი თანხა შეადგენს იჯარით ფართის სარგებლობის წლიურ გადასახადს, რომელშიც შედის, ფართით სარგებლობის, ასევე, კომუნალური გადასახადები. 

2. ფართი იჯარით გაიცემა 1 (ერთი) წლის ვადით; კვირაში 4 დღით: ორშაბათს, ოთხშაბათს, ხუთშაბათს,პარასკევს, - კვირაში 12 საათით, 17:00 საათიდან 20:00 საათამდე.

3. ფართი იჯარით გაიცემა დანართი N1-ით განსაზღვრული საქმიანობების განხორციელების მიზნით, დანართი იხ. მიმაგრებულ ფაილებში;

4. მოიჯარე ვალდებულია დაიცვას სანიტარული უსაფრთხოების და ხანძარსაწინააღმდეგო ნორმები, არ დააზიანოს სკოლის სარგებლობაში არსებული უძრავ/მოძრავი ქონება, ასევე ვალდებულია ხელი არ შეუშალოს ეროვნული სასწავლო გეგმით დადგენილი მოთხოვნების შესაბამისად სასწავლო პროცესის წარმართვას და დაიცვას სკოლის მოსწავლეთა უსაფრთხოება;

5. სსიპ "სახელმწიფო ქონების ეროვნული სააგენტოს წერილობითი მოთხოვნიდან არაუმეტეს 2 კვირის ვადაში გაუქმებული იქნება მოიჯარესთან გაფორმებული იჯარის ხელშეკრულება;

6. მეიჯარეს უფლება აქვს ხელშეკრულება ვადაზე ადრე, ცალმხრივად შეწყვიტოს თუ იგი გამოწვეულია სახელმწიფო პოლიტიკით, კანონმდებლობის ცვლილებით, საქართველოს განათლებისა და მეცნიერების სამინისტროს მოთხოვნით, სკოლაში სამშენებლო/სარეაბილიტაციო სამუშაოების დაწყებისა და კანონმდებლობით გათვალისწინებულ სხვა შემთხვევებში.

7. გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას;

8. ხელშეკრულების   გაფორმებასთან          დაკავშირებულ          ხარჯებს          დაფარავს სახელმწიფო ქონების სარგებლობის უფლებით მიმღები.

9.  ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიის/ბეს თანხა სრულად ირიცხება სკოლის ბიუჯეტში, თუ ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა;

10.  სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის/პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე/უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა.

 მიმაგრებულ  ფაილებში ასევე, იხილეთ   “სახელმწიფო ქონების განკარგვისას და სარგებლობის უფლებით გადაცემისას ელექტრონული აუქციონის ჩატარების წესის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 10 თებერვლის N1-1/172 ბრძანება.