თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც საქართველოს მთავრობის 2014 წლის 8 დეკემბრის N669 დადგენილების მე-6 მუხლის მე-6 პუნქტის „ე“ ქვეპუნქტის შესაბამისად, გადაიხადეს ბე ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ  საქართველოს მთავრობის 2014 წლის 8 დეკემბრის N669 დადგენილების მე-6 მუხლის მე-6 პუნქტის „ე“ ქვეპუნქტის საფუძველზე, გადახდილი ბე ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება ბორჯომის მუნიციპალიტეტის ბიუჯეტში.

სხვა პირობები:

1. სარგებლობაში გადაცემის ვადა განისაზღვროს ხელშეკრულების გაფორმებიდან 3 (სამი) წელი;

2. იჯარით გადასაცემი ფართი გამოყენებულ იქნას რეკრეაციული და დასასვენებელი სივრცის მოსაწყობად;

3. აუქციონში გამარჯვებულმა ხელშეკრულების გაფორმებამდე უნდა გადაიხადოს საიჯარო ქირის საფასური (სამი წლის საიჯარო ქირის საფასურსა და მის მიერ გადახდილი უპირობო და საბანკო გარანტია/„ბე“-ს თანხას შორის არსებული სხვაობა) სრულად, რის შემდგომაც მოხდება სარგებლობის ხელშეკრულების გაფორმება;

4. აუქციონში გამარჯვებული ვალდებულია, აუქციონის დასრულებიდან 15 კალენდარული დღის ვადაში მუნიციპალიტეტის აღმასრულებელ ორგანოსთან გააფორმოს სარგებლობის ხელშეკრულება;

5. გამარჯვებულის მიერ საიჯარო ხელშეკრულების ხელმოწერაზე უარის თქმის შემთხვევაში მას ერთმევა გამარჯვებულის სტატუსი და უპირობო და გამოუხმობი საბანკო გარანტია/„ბე“-ს თანხა არ დაუბრუნდება;

6. აუქციონში გამარჯვებულმა საკუთარი სახსრებით უზრუნველყოს ობიექტის ფუნქციონირებისათვის საჭირო ყველა ხარჯის გაწევა, ასევე საკუთარი სახსრებით გადაიხადოს ყველა სახელმწიფო, ადგილობრივი და კომუნალური გადასახადი;

7. აუქციონში გამარჯვებულს უფლება არ აქვს იჯარის საგანი სარგებლობის ხელშეკრულების მოქმედების პერიოდში, სარგებლობის უფლებით გადასცეს (მათ შორის გააქირაოს, იჯარის, თხოვების ფორმით გასცეს) იპოთეკით ან სხვა რაიმე ფორმით დატვირთოს მუნიციპალიტეტის აღმასრულებელ ორგანოსთან წინასწარი შეთანხმების გარეშე;

8. საიჯარო ხელშეკრულების მოქმედების ვადაში განახორციელოს იჯარის საგნის მოვლა-პატრონობა, ტექნიკური ექსპლუატაციის, სანიტარულ-ჰიგიენური, უსაფრთხოების, (მათ შორის ხანძარსაწინააღმდეგო) წესებისა და ნორმების დაცვა;

9. ხელშეკრულების დასრულების შემდგომ საიჯარო ქონებაზე განხორციელებული გაუმჯობესება უსასყიდლოდ გადადის მუნიციპალიტეტის საკუთრებაში;

10. 6213 ლარი არის საწყისი წლიური საიჯარო ქირის საფასური.

აუქციონში  მონაწილეობის მიღებით აუქციონის  მონაწილე  ადასტურებს,  რომ  ის იღებს  ვალდებულებას  გამარჯვების  შემთხვევაში  სრულიად    დააკმაყოფილოს  გამოცხადებული  აუქციონის  პირობები.