შენიშვნა:

1. საპრივატიზებო მიწის ნაკვეთიდან 9.00 კვ.მ-ზე ვრცელდება სერვიტუტის უფლება.

2. საპრივატიზებო ობიექტს იყენებს პირი მართლზომიერი ფლობის დამადასტურებელი დოკუმენტის გარეშე.

3. საპრივატიზებო ობიექტზე განთავსებული მოძრავი ქონება არ წარმოადგენს პრივატიზების საგანს.

4. საპრივატიზებო ობიექტის მიმდებარედ  გადის ხაშმის ლოკალური ქსელის მგ-2 (ს/კ 55.00.291),რომლის გასხვისების ზოლი საქართველოს ურბანიზაციისა და მშენებლობის მინისტრის 30.06.2003 წ. N19 „სამელიორაციო სისტემების ნაგებობებისათვის მიწის ზოლებისა და ნაკვეთების მიჩენა-გასხვისების სამშენებლო ნორმის დამტკიცების შესახებ“ ბრძანების შესაბამისად შეადგენს არხის კიდიდან 8-8 მეტრს ორივე მხარეს, აღნიშნულის გათვალისწინებით დაცული უნდა იყოს საქართველოს მთავრობის 2013 წლის 31 დეკემბრის N409 და N440 დადგენილებებით გათვალისწინებული მოთხოვნები.

5. საპრივატიზებო ობიექტი ხვდება პროდუქციის წილობრივი განაწილების ხელშეკრულებისა და ნავთობისა და გაზის რესურსებით სარგებლობის გენერალური XIB ბლოკის სალიცენზიო ტერიტორიის არეალში.

ყურადღება!

1.     აუქციონის დასრულებამდე ქონების დათვალიერება შესაძლებელია პრივატიზების განმახორციელებელ ორგანოსთან შეთანხმებით;

2.     ინტერნეტ აუქციონში მონაწილეობის მისაღებად ბეს (საგარანტიო თანხის) გადახდა შესაძლებელია: ნაღდი ანგარიშსწორებით  სს  ,,ლიბერთი ბანკში”, უნაღდო ანგარიშსწორებით,  ვებ-გვერდიდან პლასტიკური ბარათით, ელექტრონული საბანკო გარანტიის აქტივაციით.

3.     30 კალენდარულ დღეში საპრივატიზებო თანხის გადაუხდელობის შემთხვევაში უქმდება აუქციონის შედეგები. მკაცრად რეკომენდირებულია საპრივატიზებო საფასურის გადახდა 25 დღის განმავლობაში.

4.     მყიდველი ვალდებულია ნასყიდობის ხელშეკრულების გასაფორმებლად მიმართოს სსიპ ,,იუსტიციის სახლის”  ნებისმიერ ტერიტორიულ სამსახურს (ფილიალს) აუქციონის ჩატარებიდან 45 კალენდარული დღის  ვადაში, წინააღმდეგ შემთხვევაში უქმდება აუქციონის შედეგი.

5.     გამარჯვებულის მიერ გადახდილი "ბე"-ს (საგარანტიო) თანხა ითვლება საბოლოო ანგარიშსწორებისას.

6.     დამატებითი ინფორმაციისთვის დაგვიკავშირდით ცხელ ხაზზე: 1420.

7.     აუქციონის გამოცხადების შესახებ „სახელმწიფო ქონების ეროვნული სააგენტოს“ შესაბამისი ბრძანება იხილეთ თანდართული ფაილის სახით.

8.     საქართველოს ეკონომიკისა და მდგრადი განვითარების მინისტრის 2011 წლის 10 თებერვლის №1-1/172 ბრძანების მე-4 მუხლის შესაბამისად კანონით დადგენილ ვადაში შესაბამისი ხელშეკრულების გაუფორმებლობის შემთხვევაში ელექტონულ აუქციონში გამარჯვებულის მიერ გადახდილი "ბე"-ს (საგარანტიო) თანხა სრულად ირიცხება შესაბამის ბიუჯეტში.