სსიპ ზუგდიდის მუნიციპალიტეტის სოფელ ჭკადუაშის საჯარო სკოლის 94,97 კვ.მ. ფართის (შემდეგში ,,იჯარის ობიექტი“), იჯარით გაცემა ქორეოგრაფიული წრის ფუნქციონირების მიზნით.

სიპ -ზუგდიდის მუნიციპალიტეტის სოფელ ჭკადუაშის საჯარო სკოლის (მის:ზუგდიდი, ს. ჭკადუაში, )  შენობის  94,97 კვ.მ. ფართი (შემდეგში ,,იჯარის ობიექტი“), იჯარით გაიცემა შემდეგი პირობებით:

ა)  ობიექტი იჯარით გაიცემა ერთი  წლის ვადით, ქორეოგრაფიული წრის ფუნქციონირების მიზნით, იჯარის ობიექტით სარგებლობა უნდა მოხდეს კვირაში 3 დღე, დღეში ორი საათი. იჯარის ობიექტის სარგებლობა შესაძლებელია სკოლაში სასწავლო პროცესის დასრულების შემდეგ.

ბ) აუდიტის შეფასებით, ერთი წლის საიჯარო ქირა არის 800 ლარი, შესაბამისად წლიური საწყისი საიჯარო ქირა შეადგენს 800 ლარს.

გ) მოიჯარე ვალდებულია მოუაროს იჯარით აღებულ ქონებას და იქონიოს იგი გამართულ მდგომარეობაში, დაზიანების შემთხვევაში    უნდა აღადგინოს ან/და აღდგენის შეუძლებლობის შემთხვევაში, აუნაზღაუროს მეიჯარეს საიჯარო ქონების გაუარესებით გამოწვეული ზარალი; 

დ) მოიჯარე ვალდებულია იჯარით აღებულ ფართზე უზრუნველყოს ეკოლოგიური, სანიტარულ –ჰიგიენური და ხანძარსაწინააღმდეგო ნორმების და პირობების დაცვა;

ე) წლიური საიჯარო ქირა გადახდილი უნდა იქნეს ყოველთვიურად, თანაბარწილად, არაუგვიანეს მომდევნო თვის 10 რიცხვისა;

ვ) მოიჯარეს შეტანილი ბე ჩაეთვლება ხელშეკრულებით გათვალისწინებული სარგებლობის საფასურის ოდენობაში, საბოლოო ანგარიშსწორებისას;