1. იჯარით გაიცემა სსიპ მარნეულის მუნიციპალიტეტის სოფელ წერეთელის საჯარო სკოლის სარგებლობაში არსებული123.25კვ.მ. ფართი. ნებადართული საქმიანობების ნუსხით (იხ. მიბმული დოკუმენტაცია) გათვალისწინებული საქმინობების განხორციელების მიზნით.

2. საწყისი ფასი ჯამურად შეადგენს იჯარის ფორმით ფართით სარგებლობის 1 წლის საიჯარო გადასახადს;

3. ფართი იჯარით გაიცემა 1 წლის  ვადით საათობრივად, ორშაბათიდან პარასკევის ჩათვლით, დღიურად 2 საათით. თვის განმავლობაში საიჯარო საათები განისაზღვრება 40 საათის ოდენობით;

4. საიჯარო ქირაში შედის კომუნალური გადასახადები;

5.მოიჯარე ვალდებულია, დაიცვას ჰიგიენური და ხანძარსაწინააღმდეგო ნორმები და მისი საქმიანობით ხელი არ შეუშალოს სასწავლო პროცესის ნორმალურ წარმართვას; ხელი არ შეუშალოს სასწავლო პროცესის მიმდინარეობას, საქმიანობის განხორციელებისას სკოლამ სრულყოფილად, ყოველგვარი გამონაკლისების გარეშე უზრუნველყოს ეროვნული სასწავლო გეგმით დადგენილ მოთხოვნების განხორციელება, არ მოხდეს სკოლის სარგებლობაში არსებული უძრავი/მოძრავი ქონების დაზიანება და დაცული უნდა იქნას მოსწავლეთა უსაფრთხოება.

6.სსიპ "სახელმწიფო ქონების ეროვნული სააგენტოს" წერილობითი მოთხოვნიდან არა უმეტეს 2(ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება; ასევე ხელშეკრულება შესაძლებელია შეწყდეს ვადაზე ადრე, თუ იგი გამოწვეულია სახელმწიფო პოლიტიკით, კანონმდებლობის ცვლილებით, საქართველოს განათლებისა და მეცნიერების სამინისტროს მოთხოვნით, სკოლაში სამშენებლო/სარეაბილიტაციო სამუშაოების დაწყებისა და კანონმდებლობით გათვალისწინებულ სხვა შემთხვევებში.

7.მეიჯარეს უფლება აქვს საქართველოს განათლების, მეცნიერების, კულტურისა და სპორტის სამინისტროს მოთხოვნის საფუძველზე ცალმხრივად შეწყვიტოს ხელშეკრულება თუ ირღვევა ბავშვთა უსაფრთხოებასთან და უფლებებთან დაკავშირებული რეგულაციები;

8.გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას;

9. თუ სახელმწიფო ქონების სარგებლობის უფლების მიღებით დაინტერესებულმა პირმა არ უზრუნველყო აუქციონის მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა, წარდგენილი საგარანტიო თანხა უბრუნდება დაინტერესებულ პირს;

10. ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიის/ბეს თანხა სრულად ირიცხება სკოლის ბიუჯეტში, თუ ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა;

11. სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა;

12. აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

მიბმულ ფაილებში იხილეთ: საქართველოს ეკონომიკისა და მდგრადი განვითარების მინისტრის 2011 წლის 10 თებერვლის ბრძანება №1-1/172 და ნებადართული საქმიანობების ნუსხა (დანართი N1)