შენიშვნა:

*  საპრივატიზებო ობიექტზე გადის შპს „საქართველოს მელიორაციის"ბალანსზე რიცხული დახურული პოლიეთილენის მილსადენი, (ს/კ 72.00.757), შესაბამისად, მყიდველმა შეძენილ ობიექტზე სამუშაოების წარმოება უნდა განახორციელოს „სამელიორაციო სისტემების ნაგებობებისათვის მიწის ზოლებისა და ნაკვეთების მიჩენა/გასხვისების სამშენებლო ნორმის დამტკიცების შესახებ" საქართველოს ურბანიზაციისა და მშენებლობის მინისტრის 2003 წლის 30 ივნისის N19  ბრძანებით და  საქართველოს მთავრობის 31.12.2013წ. N409  და N440 დადგენილებებით გათვალისწინებულ მოთხოვნათა დაცვით.

*  საპრივატიზებო ობიექტის მიმდებარედ განთავსებულია სს „ენერგო-პრო ჯორჯიას" კუთვნილი 110 კვ. ძაბვის საჰაერო ელექტროგადამცემი ხაზის დაცვის ზონაში, შესაბამისად, მყიდველმა უნდა გაითვალისწინოს 20 მეტრიანი დაცვითი ზონა ხაზის ორივე მხარეს გადაუხრელ მდგომარეობაში მყოფი განაპირა სადენებიდან.

ყურადღება!

1. ინტერნეტ აუქციონში მონაწილეობის მისაღებად საგარანტიო თანხის გადახდა შესაძლებელია ვებ-გვერდიდან პლასტიკური ბარათით ან ელექტრონული საბანკო გარანტიის გამოყენებით (ასეთის არსებობის შემთხვევაში) ან eauction.ge-ის ანგარიშსწორების სისტემის სერვისის გამოყენებით (სს "ლიბერთი ბანკის" ნებისმიერ ფილიალში). დაწვრილებითი ინფორმაციისათვის იხილეთ ,,ინფორმაცია გადახდებზე’’ ან დაგვიკავშირდით   სააგენტოს ცხელ ხაზზე: 1420.

2.  ს/ს „ენერგო-პრო ჯორჯიას" და შპს „საქართველოს მელიორაციის" წერილები იხილეთ თანდართული ფაილის სახით.

1. აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

2. აუქციონში გამარჯვებული პირი ვალდებულია ნასყიდობის ხელშეკრულებას ხელი მოაწეროს, აუქციონის დასრულებიდან არაუგვიანეს 15 კალენდარული დღისა, წინააღმდეგ შემთხვევაში უქმდება აუქციონის შედეგი.

3. გამარჯვებულის მიერ გადახდილი "ბე"-ს (საგარანტიო) თანხა ითვლება საბოლოო ანგარიშსწორებისას.

4. თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც აუქციონში მონაწილეობის მისაღებად, დადგენილი წესით, გადაიხადეს „ბე“ ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ აუქციონში მონაწილეობისათვის გადახდილი „ბე“ ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება მუნიციპალიტეტის ბიუჯეტში.

 5. მუნიციპალიტეტის ქონების შემძენი შეიძლება იყოს: მუნიციპალიტეტის ქონების პრივატიზების პროცესში მონაწილეობის უფლების მქონე  ფიზიკური პირი ან იურიდიული პირი ან ასეთ პირთა გაერთიანება, რომლის ქონებაშიც მუნიციპალიტეტის ან საქართველოს სახელმწიფო ხელისუფლების ორგანოს მონაწილეობის წილი 25 პროცენტზე ნაკლებია.