72.12.01.199

https://bs.napr.gov.ge/GetBlob?pid=101&bid=boVlyOwlsX3qmYsntmLmFNCOWuVT4GBhJ4tsmFLABXzLsDnpIMl]q4y[SAIWomq0

72.12.01.1004

https://bs.napr.gov.ge/GetBlob?pid=101&bid=boVlyOwlsX3qmYsntmLmFOMMT9RUrjt63Y9Ze2qvTLOgbngpqFMA6hNUE2Ubu7lG

72.12.01.1016

https://bs.napr.gov.ge/GetBlob?pid=101&bid=boVlyOwlsX3qmYsntmLmFDfqdDLDZYKDh9MrkADmXWV53il[BsN8XV8MBHsDweL8

ყურადღება!

საქართველოს კანონმდებლობის თანახმად, სასოფლო-სამეურნეო დანიშნულების მიწის ნაკვეთის შემძენი არ შეიძლება იყოს:უცხოელი (ფიზიკური პირი, რომელიც არ არის საქართველოს მოქალაქე, ასევე, საქართველოში სტატუსის მქონე მოქალაქეობის არმქონე პირი); იურიდიული პირი, რომლის დომინანტი პარტნიორია უცხოელი ან/და საზღვარგარეთ რეგისტრირებული იურიდიული პირი ან რომლის დომინანტი პარტნიორი ვერ დგინდება.

შენიშვნა:

1) (ს.კ 72.12.01.199) - საპრივატიზებო მიწის ნაკვეთი ხვდება თბილისის შემოვლითი გზის საპროექტო არეალში. მოცემული მიწის ნაკვეთების ქვეშ იგეგმება საავტომობილო გვირაბის მშენებლობა. ,,საავტომობილო გზების შესახებ“ საქართველოს კანონის მოთხოვნათა შესაბამისად, საავტომობილო გზებზე, გზისპირა ზონაში (გზის ღერძიდან 100 მეტრი ორივე მხარეს) გზების მფლობელთან - საქართველოს საავტომობილო გზების დეპარტამენტთან შეუთანხმებლად აკრძალულია ნებისმიერი სამშენებლო და სხვა სახის სამუშაოთა წარმოება.
2) (ს.კ 72.12.01.199) - საპრივატიზებო მიწის ნაკვეთის ნაწილზე (990 კვ.მ) ვრცელდება სერვიტუტის უფლება სს ‘’საქართველოს ნავთობისა და გაზის კორპორაციის’’ სასარგებლოდ 2 (ორი) წლის ვადით (07.12.2025 წლამდე). „საქართველოს ნავთობისა და გაზის კორპორაცია“ აღნიშნულ ტერიტორიას იყენებს ვლადიკავკაზ-თბილისის მაგისტრალური გაზსადენის სამ მონაკვეთზე განთავსებული უმოქმედო მილსადენების სადემონტაჟო სამუშაოების უზრუნველსაყოფად.
3) საპრივატიზებო მიწის ნაკვეთები ექცევა „მსოფლიო მემკვიდრეობის ნუსხაში შეტანილი ძეგლების: ჯვრის მონასტრის, სვეტიცხოვლის საკათედრო ტაძრისა და სამთავროს მონასტრის ინდივიდუალური დამცავი ზონის ერთიან ვიზუალური დაცვის არეალში“ და იმავე კონფიგურაციის მქონე ისტორიული ლანდშაფტის დაცვის ზონაში. ასევე, დასახელებული მიწის ნაკვეთების სიახლოვეს მდებარეობს არქეოლოგიური ობიექტი „ნამოსახლარი“ (გის ბაზის N26533).ნებისმიერი მიწის სამუშაოები ამ ტერიტორიაზე საჭიროებს არქეოლოგის ზედამხედველობას, უცნობი არტეფაქტების სავარაუდო დაზიანების პრევენციის მიზნით. აღნიშნული გარემოებებიდან გამომდინარე, მათზე ვრცელდება „კულტურული მემკვიდრეობის შესახებ“ საქართველოს კანონით დადგენილი მოთხოვნები. უძრავი ნივთის შემდგომში განვითარების, მათ შორის კანონმდებლობით გათვალისწინებული სამშენებლო ან/და მიწის სამუშაოების განხორციელების შემთხვევაში, ნებისმიერი ქმედება უნდა შეთანხმდეს კანონმდებლობით დადგენილი წესით შესაბამის ადმინისტრაციულ ორგანოებთან, მათ შორის სსიპ - საქართველოს კულტურული მემკვიდრეობის დაცვის ეროვნულ სააგენტოსთან. (იხ. დანართი N2: საქართველოს კულტურული მემკვიდრეობის დაცვის ეროვნული სააგენტოს 10.11.2022 წლის N 17/2688 წერილი).
4) (ს.კ 72.12.01.1016) საკადასტრო კოდით რეგისტრირებული მიწის ნაკვეთი მდებარეობს განსაკუთრებული რეგულირების ზონის მიჯნაზე, შესაძლებელია ტერიტორიებზე გავრცელდეს სამშენებლო საქმიანობასთან დაკავშირებული შეზღუდვები და გარკვეული საქმიანობის განხორციელება უნდა შეთანხმედეს სხვადასხვა უწყებებთან, მათ შორის კულტურული მემკვიდრეობის დაცვის ეროვნულ სააგენტოსთან.

ყურადღება!

1.აუქციონის დასრულებამდე ქონების დათვალიერება შესაძლებელია პრივატიზების განმახორციელებელ ორგანოსთან შეთანხმებით;
2.ინტერნეტ აუქციონში მონაწილეობის მისაღებად ბეს (საგარანტიო თანხის) გადახდა შესაძლებელია: ნაღდი ანგარიშსწორებით სს ,,ლიბერთი ბანკში”, უნაღდო ანგარიშსწორებით, ვებ-გვერდიდან პლასტიკური ბარათით, ელექტრონული საბანკო გარანტიის აქტივაციით.
3. 30 კალენდარულ დღეში საპრივატიზებო თანხის გადაუხდელობის შემთხვევაში უქმდება აუქციონის შედეგები.
4. მყიდველი ვალდებულია ნასყიდობის ხელშეკრულების გასაფორმებლად მიმართოს სსიპ ,,სახელმწიფო ქონების ეროვნულ სააგენტოს“ აუქციონის ჩატარებიდან 45 კალენდარული დღის ვადაში, წინააღმდეგ შემთხვევაში უქმდება აუქციონის შედეგი.
5. გამარჯვებულის მიერ გადახდილი "ბე"-ს (საგარანტიო) თანხა ითვლება საბოლოო ანგარიშსწორებისას.
6. დამატებითი ინფორმაციისთვის დაგვიკავშირდით ცხელ ხაზზე : 1420
7. აუქციონის გამოცხადების შესახებ „სახელმწიფო ქონების ეროვნული სააგენტოს“ შესაბამისი ბრძანება იხილეთ თანდართული ფაილის სახით.
8. საქართველოს ეკონომიკისა და მდგრადი განვითარების მინისტრის 2011 წლის 10 თებერვლის №1-1/172 ბრძანების მე-4 მუხლის შესაბამისად კანონით დადგენილ ვადაში შესაბამისი ხელშეკრულების გაუფორმებლობის შემთხვევაში ელექტონულ აუქციონში გამარჯვებულის მიერ გადახდილი "ბე"-ს (საგარანტიო) თანხა სრულად ირიცხება შესაბამის ბიუჯეტში.