1. იჯარით გაიცემა სსიპ ქალაქ თბილისის N117 საჯარო სკოლის პირველ სართულზე მდებარე 8.98 კვ.მ.   ფართი მოძრავ ქონებასთან ერთად (მოსწავლის სკამი 4 ცალი), ნებადართული საქმიანობების ნუსხით გათვალისწინებული საქმიანობების განხორციელების მიზნით.  ორშაბათიდან კვირის ჩათვლით სრული დატვირთვით.  (იხ. დანართი N1)

2. სკოლის პირველ სართულზე მდებარე 8.98 კვ.მ ფართის ოთახი N108: ორშაბათიდან კვირის ჩათვლით 12:00 საათიდან 21:00 საათის ჩათვლით.

3. საწყისი ფასი შეადგენს 2025 წლის 31 დეკემბრის  ჩათვლით საიჯარო ქირას. 

4. ფართი იჯარით გაიცემა 2025 წლის 31 დეკემბრის  ვადით.

5. საიჯარო ქირაში  შედის კომუნალური გადასახადები (ელექტროენერგიის, წყლისა და ბუნებრივი აირით (გათბობის) სარგებლობის გადასახადი).

6. სსიპ "სახელმწიფო ქონების ეროვნული სააგენტოს" წერილობითი მოთხოვნიდან არა უმეტეს 2(ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება;

7. მოიჯარე ვალდებულია დროულად გადაიხადოს საიჯარო ქირა და გაუფრთხილდეს სკოლის ქონებას, დაიცვას ხანძარსაწინააღმდეგო უსაფრთხოებისა და ჰიგიენური ნორმების წესები. მოიჯარე ასევე ვალდებულია ხელი არ შეუშალოს სასწავლო პროცესის წარმართვას;

8.მეიჯარეს უფლება აქვს საქართველოს განათლებისა და მეცნიერების სამინისტროს მოთხოვნის საფუძველზე ცალმხრივად შეწყვიტოს ხელშეკრულება თუ ირღვევა ბავშვთა უსაფრთხოებასთან და უფლებებთან დაკავშირებული რეგულაციები;

9. გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას;

10.თუ სახელმწიფო ქონების სარგებლობის უფლების მიღებით დაინტერესებულმა პირმა არ უზრუნველყო აუქციონის მონაწილედ დარეგისტრირება, მაგრამ ამის მიუხედავად  ელექტრონული აუქციონი შედგა, წარდგენილი საგარანტიო თანხა უბრუნდება დაინტერესებულ პირს;

11.ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიის/ბეს თანხა სრულად ირიცხება სკოლის ბიუჯეტში, თუ ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა;

12.სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის/პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე უპირობო და  გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა;

13.საჭიროების შემთხვევაში მოიჯარე ვალდებულია გასაიჯარებელ ფართში საკუთარი სახსრებით ჩაატაროს  სარემონტო სამუშაოები ან მოაწყოს.

მიმაგრებულ ფაილებში ასევე, იხილეთ “სახელმწიფო ქონების განკარგვისას და სარგებლობის უფლებით  გადაცემისას ელექტრონული აუქციონის ჩატარების წესის დამტკიცების შესახებ“. საქართველოს ეკონომიკისა და  მდგრადი განვითარების მინისტრის 2011 წლის 10 თებერვლის N1-1/172 ბრძანება და ნებადართული საქმიანობების ნუსხა.