1. საწყისი ფასი შეადგენს იჯარის ფორმით ფართით სარგებლობის ერთი თვის საიჯარო გადასახადს;

2. ბაზარზე ფართით სარგებლობის ფასის ზრდის შემთხვევაში მეიჯარეს ეძლევა
 უფლება, ყოველწლიურად შეიტანოს ცვლილება საიჯარო ქირაში დამოუკიდებე
ლი აუდიტის (ექსპერტის) დასკვნის საფუძველზე;

3. ფართი იჯარით გაიცემა 10 (ათი) თვის ვადით, რომელშიც არ შედის ზაფხულის არდადეგების  პერიოდი;

4. საიჯარო ქირაში არ შედის კომუნალური გადასახადის (ელექტროენერგიისა და წყლის) გადასახადი;

5.მოიჯარე ვალდებულია, დაიცვას ჰიგიენური და ხანძარსაწინააღმდეგო ნორმები და მისი საქმიანობით ხელი არ შეუშალოს სასწავლო პროცესის ნორმალურ წარმართვას;

6. მოიჯარე ვალდებულია თავად აღჭურვოს საიჯარო ფართი შესაბამისი ინვენტარითა და აღჭურვილობით;

7. სსიპ "სახელმწიფო ქონების ეროვნული სააგენტოს" წერილობითი მოთხოვნიდან არა უმეტეს 2 (ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება;

8. მეიჯარეს უფლება აქვს საქართველოს განათლებისა და მეცნიერების სამინისტროს მოთხოვნის საფუძველზე ცალმხრივად შეწყვიტოს ხელშეკრულება თუ ირღვევა ბავშვთა უსაფრთხოებასთან  და უფლებებთან დაკავშირებული რეგულაციები;

9. გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას;

10. საიჯარო ხელშეკრულების გაფორმებასთან დაკავშირებულ და კანონით დადგენილ შემთხვევაში საჯარო რეესტრში რეგისტრაციის  ხარჯებს დაფარავს ქონების სარგებლობის უფლების მიმღები (მოიჯარე).

11. თუ სახელმწიფო ქონების სარგებლობის უფლების მიღებით დაინტერესებულმა პირმა არ უზრუნველყო აუქციონის მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა, წარდგენილი საგარანტიო თანხა უბრუნდება დაინტერესებულ პირს;

12. გამარჯვებული ხელშეკრულების გასაფორმებლად უნდა გამოცხადდეს სკოლაში აქუციონის დასრულებიდან არაუგვიანეს 5 სამუშაო დღისა. აღნიშნულ ვადაში გამოუცხადებლობა ჩაითვლება ხელშეკრულების ხელმოწერაზე უარის თქმად.

13. ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიის/ბეს თანხა სრულად ირიცხება სკოლის ბიუჯეტში, თუ ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა;

14. სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე/უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა.                            

15. მოიჯარე ვალდებულია დაიცვას  საქართველოს განათლებისა და მეცნიერების მინისტრის 2023 წლის 24 ნოემბრის N1601881 ბრძანებით დამტკიცებული "ზოგადსაგანმანათლებლო დაწესებულებებში კვების ობიექტის ფუნქციონირებისთვის დადგენილი მინიმალური მოთხოვნები".

მიმაგრებულ ფაილებში იხილეთ  “სახელმწიფო ქონების განკარგვისას და სარგებლობის უფლებით გადაცემისას ელექტრონულია უქციონის ჩატარების წესის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 10 თებერვლის N1-1/172 ბრძანება და  საქართველოს განათლებისა და მეცნიერების მინისტრის 2023 წლის 24 ნოემბრის N1601881 ბრძანება "ზოგადსაგანმანათლებლო დაწესებულებებში კვების ობიექტის ფუნქციონირებისთვის დადგენილი მინიმალური მოთხოვნების შესახებ".