შენიშვნა:

1. საპრივატიზებო ობიექტი მდებარეობს საერთაშორისო მნიშვნელობის სამტრედია-ლანჩხუთი-გრიგოლეთის საავტომობილო გზის კმ5-ის მიმდებარედ, შესაბამისად საქართველოს კანონის ,,საავტომობილო გზების შესახებ“ 22-ე მუხლის მოთხოვნათა შესაბამისად საავტომობილო გზებზე, გზისპირა ზონაში (გზის ღერძიდან 100 მეტრი ორივე მხარეს) გზების მფლობელთან (მოცემულ შემთხვევაში საქართველოს საავტომობილო გზების დეპარტამენტი) შეუთანხმებლად აკრძალულია ნებისმიერი სამშენებლო და სხვა სახის სამუშაოთა წარმოება.

2. საპრივატიზებო მიწის ნაკვეთზე გადის შპს სოკარ ჯორჯია გაზის საკუთრებაში არსებული ხაზოვანი ნაგებობა (გაზსადენის მილი, (ს.კ. 34.00.514)) შესაბამისად, აღნიშნული მილის  მეპატრონეს/მოსარგებლეს არ უნდა შეექმნას არანაირი სახის  დაბრკოლება (მათ  შორის შემძენმა არ უნდა მოითხოვოს აღნიშნული ხაზოვანი ნაგებობის გადატანა/რეკონსტრუქცია მესაკუთრესთან/მოსარგებლესთან შეთანხმების გარეშე) და   შემძენი ვალდებული იქნება უზრუნველყოს ნებისმიერ  დროს  ხაზოვანი ობიექტის დათვალიერება (უსასყიდლოდ  და  შეუფერხებლად) და მასზე საექსპლუატაციო სამუშაოების ჩატარება,  დაცვის ზონისა და პერიმეტრის გათვალისწინებით.

ყურადღება!

1.     აუქციონის დასრულებამდე ქონების დათვალიერება შესაძლებელია პრივატიზების განმახორციელებელ ორგანოსთან შეთანხმებით;

2.     ინტერნეტ აუქციონში მონაწილეობის მისაღებად ბეს (საგარანტიო თანხის) გადახდა შესაძლებელია: ნაღდი ანგარიშსწორებით  სს  ,,ლიბერთი ბანკში”, უნაღდო ანგარიშსწორებით,  ვებ-გვერდიდან პლასტიკური ბარათით, ელექტრონული საბანკო გარანტიის აქტივაციით.

3.     30 კალენდარულ დღეში საპრივატიზებო თანხის გადაუხდელობის შემთხვევაში უქმდება აუქციონის შედეგები. მკაცრად რეკომენდირებულია საპრივატიზებო საფასურის გადახდა 25 დღის განმავლობაში.

4.     მყიდველი ვალდებულია ნასყიდობის ხელშეკრულების გასაფორმებლად მიმართოს სსიპ ,,იუსტიციის სახლის”  ნებისმიერ ტერიტორიულ სამსახურს (ფილიალს) აუქციონის ჩატარებიდან 45 კალენდარული დღის  ვადაში, წინააღმდეგ შემთხვევაში უქმდება აუქციონის შედეგი.

5.     გამარჯვებულის მიერ გადახდილი "ბე"-ს (საგარანტიო) თანხა ითვლება საბოლოო ანგარიშსწორებისას.

6.     დამატებითი ინფორმაციისთვის დაგვიკავშირდით ცხელ ხაზზე: 1420.

7.     აუქციონის გამოცხადების შესახებ „სახელმწიფო ქონების ეროვნული სააგენტოს“ შესაბამისი ბრძანება იხილეთ თანდართული ფაილის სახით.

8.     საქართველოს ეკონომიკისა და მდგრადი განვითარების მინისტრის 2011 წლის 10 თებერვლის №1-1/172 ბრძანების მე-4 მუხლის შესაბამისად კანონით დადგენილ ვადაში შესაბამისი ხელშეკრულების გაუფორმებლობის შემთხვევაში ელექტონულ აუქციონში გამარჯვებულის მიერ გადახდილი "ბე"-ს (საგარანტიო) თანხა სრულად ირიცხება შესაბამის ბიუჯეტში.