აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

სსიპ ქალაქ თბილისის N 129 საჯარო სკოლის N2 შენობის პირველ სართულზე არსებული ფართი (75.85კვ.მ) იჯარით გაიცემა  ნებადართული საქმიანობების ნუსხით (დანართი N1) გათვალისწინებული საქმიანობების განსახორციელებლად, მოიჯარის მიერ იჯარის ფართით სარგებლობა (სამშაბათს, ხუთშაბათს, შაბათს და კვირას 16:00 საათიდან 19:00 საათამდე) ხელს არ შეუშლის სასწავლო პროცესის მიმდინარეობას. აღნიშნული ფართი იჯარით გაიცემა მოძრავი ქონების გარეშე.

2. საწყისი ფასი შეადგენს 1 (ერთი) წლის საიჯარო ქირას.

3. ფართი იჯარით გაიცემა 2 (ორი) წლის ვადით

4. საიჯარო ქირაში არ შედის კომუნალური გადასახადი, კერძოდ ელექტროენერგიის გადასახადი. ელექტროენერგიის გადახდა მოხდება განმხოლოებული მრიცხველით.
5. სსიპ "სახელმწიფო ქონების ეროვნული სააგენტოს" წერილობითი მოთხოვნიდან არა უმეტეს 2(ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება;

6. მოიჯარე ვალდებულია  დროულად გადაიხადოს საიჯარო ქირა და გაუფრთხილდეს სკოლის ქონებას, დაიცვას ხანძარსაწინააღმდეგო  უსაფრთხოებისა და ჰიგიენური ნორმების  წესები. მოიჯარე ასევე ვალდებულია ხელი არ შეუშალოს სასწავლო პროცესის წარმართვას;

7.მეიჯარეს უფლება აქვს საქართველოს განათლების, მეცნიერებისა და ახალგაზრდობის სამინისტროს მოთხოვნის საფუძველზე ცალმხრივად შეწყვიტოს ხელშეკრულება თუ ირღვევა ბავშვთა უსაფრთხოებასთან  და უფლებებთან დაკავშირებული რეგულაციები;

8. ხელშეკრულება მეიჯარის მხრიდან შეიძლება შეწყდეს ვადაზე ადრე, ცალმხრივად, შემდეგი მიზეზებით: სახელმწიფო პოლიტიკით, კანონმდებლობის ცვლილებით, საქართველოს განათლების, მეცნიერებისა და ახალგაზრდობის სამინისტროს მოთხოვნით, სკოლაში სამშენებლო/სარეაბილიტაციო სამუშაოების დაწყებისა და კანონმდებლობით გათვალისწინებულ სხვა შემთხვევებში;

9. გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას;

10. თუ სახელმწიფო ქონების სარგებლობის უფლების მიღებით დაინტერესებულმა პირმა არ უზრუნველყო აუქციონის მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა, წარდგენილი საგარანტიო თანხა უბრუნდება დაინტერესებულ პირს;

11. სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის/პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა.