შპს "ჰაიტეკ"-ის (ID 405211417) სარეალიზაციო ქონებას წარმოადგენს:

hrlab.ge-ს პროგრამული კოდი;
დომენი "hrlab.ge";
ვებ-გვერდი "hrlab.ge";
ფეისბუქ გვერდი "HRLab";
ინსტაგრამ გვერდი "hrlab.ge";
ლინკდინ პროფილი "HRLab";

ასევე, ვინაიდან მყიდველს გადაეცემა გამყიდველის მთელი აქტივი, ზემოაღნიშნული ჩამონათვალის გარდა მყიდველს გადაეცემა გამყიდველთან არსებული დოკუმენტაცია (მათ შორის აქტივის შექმნისას გაფორმებული ხელშეკრულებები ან/და პირველადი საბუღალტრო დოკუმენტაცია) და იმ მომსახურებებზე უფლებები, რომლებსაც იყენებს აღნიშნული პლატფორმა (ჰოსტინგის მომსახურება და ა.შ.).

www.hrlab.ge არის ვებ პლატფორმა, რომელზეც რეგისტრირდებიან დამსაქმებელი კომპანიები და სამსახურის მაძიებლები. პლატფორმა ამარტივებს ბაზარზე არსებული დასაქმების რთულ პროცესს, რის შედეგადაც სამსახურის მაძიებელს შესაძლებლობა აქვს ერთდროულად მრავალ დამსაქმებლამდე მიეწვდინოს ინფორმაცია საკუთარი გამოცდილების შესახებ. ხოლო მეორეს მხრივ თავად დამსაქმებელს წვდომა აქვს ათასობით აპლიკანტთან და  შესაძლებლობა აქვს საკუთარი შეხედულების მიხედვით, სხვადასხვა ფილტრების გამოყენებით შეარჩიოს შესაბამისი აპლიკანტი. პლატფორმის სამიზნე ჯგუფი დაყოფილია ორ ნაწილად სამსახურის მაძიებელი ფიზიკური პირები და დამსაქმებელი კომპანიები იურიდიული პირები.

პლატფორმას გააჩნია ორი სარეგისტრაციო ფუნქციონალი, ერთი განკუთვნილია სამსახურის მაძიებლებისთვის ხოლო მეორე დამსაქმებელი ორგანიზაციებისთვის, აღნიშნულ ფუნქციონალებში მომხმარებლები ავსებენ შესაბამის ველებს და რეგისტრირდებიან, შედეგად მათ გამოუჩნდებათ წვდომა ბაზაში როგორც რეგისტრირებულ სამსახურის მაძიებლებთან, ასევე დამსაქმებლებთან.

აუქციონზე გამოტანილია შპს "ჰაიტეკ"-ის (ID 405211417) მთლიანი აქტივი.

ქონება უფლებრივად უნაკლოა, ამასთან დატვირთულია გირავნობით, რომელიც შეწყდება აუქციონის პირობებით (იხ. პირობის მე-4 პუნქტი) გათვალისწინებულ შემთხვევაში.

დამატებითი ინფორმაციისთვის საკონტაქტო პირი - დავით ბასილაია ტელ: 593 529 495.

1. გასაყიდ აქტივებთან დაკავშირებით ნებისმიერი საკითხის დასაზუტებლად საკონტაქტო პირი -დავით ბასილაია ტელ: 593 529 495, ან ელ-ფოსტაზე - info@startup.gov.ge.

2. აუქციონში მონაწილე პირი ვალდებულია წარმოადგინოს საგარანტიო თანხა (ბე) აქტივის საწყისი ღირებულების 5%-ის ოდენობით, ან ამავე თანხაზე უპირობო და გამოუთხოვადი საბანკო გარანტია. საბანკო გარანტიის ვადა უნდა აღემატებოდეს ნასყიდობის საფასურის გადახდის ვადას არანაკლებ 30 კალენდარული დღით.

3. აუქციონის საგანზე, აუქციონის დასრულებიდან 15 კალენდარული დღის ვადაში უნდა გაფორმდეს სამმხრივი ხელშეკრულება, მყიდველს, გამყიდველს და კრედიტორს შორის.

4. გამარჯვებული ვალდებულია სრულად გადაიხადოს ქონების ნასყიდობის თანხა სამმხრივი ხელშეკრულების გაფორმებიდან 10 კალენდარული დღის ვადაში, სამმხრივ ხელშეკრულებაში მითითებულ შპს "ჰაიტეკ"-ის კრედიტორის კუთვნილ საბანკო ანგარიშზე. თანხის ჩარიცხვიდან 3 სამუშაო დღის ვადაში გამყიდველი უზრუნველყოფს საგანზე არსებული გირავნობის გაუქმებას.

5. პირს, რომელიც ვერ გაიმარჯვებს აუქციონში, ავტომატურად დაუბრუნდება მის მიერ გადახდილი საგარანტიო თანხა (ბე).

6. გამყიდველი უფლებამოსილია დასრულებამდე ნებისმიერ დროს შეწყვიტოს აუქციონი.