ყავის და თვითმომსახურების სავაჭრო (სწრაფი კვების) აპარატების („ვენდინგის“ აპარატები) განთავსების მიზნით  იჯარით გაიცემა სსიპ „ილიას სახელმწიფო უნივერსიტეტის“ შენობებში მდებარე ელ. მომარაგებით და ინტერნეტით უზრუნველყოფილი ფართი.

პირობა

ა) აუქციონის დაწყების და დასრულების დრო:  დაწყება 2025 წლის 27 თებერვალი, დასრულება - 2025 წლის 13 მარტი;

ბ) სარგებლობაში გადასაცემი ქონების 1 (ერთი) კვ.მ. ფართის 1 (ერთი) თვის ვადით საიჯარო ქირის თავდაპირველი ღირებულება არის 170 (ასსამოცდაათი) ლარი. ხელშეკრულების  მოქმედების ვადა - 1 (ერთი) წელი;

გ) უპირობო და გამოუხმობი საბანკო გარანტიის/ბეს თანხის ოდენობა შეადგენს 1700 (ათასშვიდასი) ლარს; უპირობო და გამოუხმობი საბანკო გარანტიის მოქმედების ვადად დადგენილია 2025 წლის 29 მარტი;

დ) მეიჯარე გადასცემს, ხოლო მოიჯარე,  ყავის და თვითმომსახურების სავაჭრო (სწრაფი კვების) აპარატების („ვენდინგის“ აპარატები) განთავსების მიზნით, დროებით სარგებლობაში, იჯარით იღებს, მეიჯარის მფლობელობაში არსებულ ფართს, მდებარე:

1) ქ. თბილისში, ი. ჭავჭავაძის გამზ. №32-ში მდებარე (A კორპუსი - ს/კ 01.14.11.007.011) – 3 კვ.მ.;

2) ქ. თბილისში, ქ. ჩოლოყაშვილის N3/5-ში და წერეთლის გასასვლელ N1, N3-ში მდებარე (T კორპუსი - ს/კ 01.14.07.010.033) – 3 კვ.მ.;

3) ქ. თბილისში, ქ. ჩოლოყაშვილის N3/5-ში და წერეთლის გასასვლელ N1, N3-ში მდებარე (E კორპუსი - ს/კ 01.14.07.010.033) – 3 კვ.მ.;

4) ქ. თბილისში, ქ. ჩოლოყაშვილის N3/5-ში და წერეთლის გასასვლელ N1, N3-ში მდებარე (S კორპუსი - ს/კ 01.14.07.010.033) – 3 კვ.მ.;

ე) აუქციონში გამარჯვებულ სუბიექტთან ფორმდება იჯარის ხელშეკრულება აუქციონზე გამარჯვებულის გამოვლენიდან 10 (ათი) კალენდარული დღის ვადაში. მოიჯარემ საიჯარო ქირის გადახდა უნდა უზრუნველყოს მასთან გაფორმებული ხელშეკრულების საფუძველზე, ყოველთვიურად, მის მიერ წარმოდგენილი აპარატების დასადგამი ფართობის შესაბამისად. მოიჯარეს აგრეთვე ეკისრება ელექტროენერგიის მოხმარების დამადასტურებელი პირველადდამოწმება აღიარებული მრიცხველების წარმოდგენა და აპარატების მიერ მოხმარებული ელექტროენერგიის საფასურის გადახდა აღნიშნული მრიცხველების ჩვენების საფუძველზე ყოველთვიურად, მასთან გაფორმებული შეთანხმების: „შესაბამისი მოწყობილობით (მრიცხველით) ვენდინგის აპარატების მიერ გახარჯული ელექტროენერგიის გადასახდელების ოდენობის გამოთვლისა და გადახდის წესის“ შესაბამისად; საიჯარო ქირის და გახარჯული ელექტროენერგიის საფასურის გადახდა მოიჯარის მიერ მოხდება ყოველთვიურად, ყოველი საანგარიშო თვის დასრულებიდან არაუგვიანეს 5 (ხუთი) კალენდარული დღის ვადაში;

ვ) აუქციონში გამარჯვებული სუბიექტის მიერ ხელშეკრულების გაფორმებაზე უარის, აუქციონში მონაწილეობის წესის დარღვევისა და კანონმდებლობით გათვალისწინებულ სხვა შემთხვევებში, უნივერსიტეტი გადახდილ ბეს/უპირობო და გამოუხმობ საბანკო გარანტიის თანხას უკან არ უბრუნებს აუქციონში გამარჯვებულ პირს;

ზ) თუ ელექტრონული აუქციონი არ შედგა იმ მიზეზით, რომ აუქციონში რეგისტრირებულმა პირებმა რომლებმაც გადაიხადეს ბე ან/და წარმოადგინეს უპირობო და გამოუხმობი საბანკო გარანტია - არ მიიღეს მონაწილეობა სააუქციონო ვაჭრობაში, წარდგენილი უპირობო და გამოუხმობი საბანკო გარანტიის/ბეს თანხა სრულად ირიცხება უნივერსიტეტის ანგარიშზე;

თ) მეიჯარე უფლებამოსილია:

ვადაზე ადრე, ცალმხრივად შეწყვიტოს ხელშეკრულება, ხელშეკრულებით გათვალისწინებულ შემთხვევებში და წესით;

მოითხოვოს მოიჯარის ბრალით მიყენებული ზიანის ანაზღაურება;

გამოიყენოს წინამდებარე ხელშეკრულებითა და კანონმდებლობით მასზე მინიჭებული უფლებები.

ი) მოიჯარე ვალდებულია 

იჯარის საგანი გამოიყენოს მხოლოდ დანიშნულებით. მოუაროს მას და მკაცრად დაიცვას ტექნიკური უსაფრთხოების და ექსპლუატაციის წესები;

ხელშეკრულების შეწყვეტისას დაუბრუნოს მეიჯარეს იჯარის საგანი იმ მდგომარეობაში, რომელშიც მისგან მიიღო ნორმალური ცვეთისა და ამორტიზაციის გათვალისწინებით;

მეიჯარის თანხმობის გარეშე არ განახორციელოს სხვა საქმიანობა, გარდა ხელშეკრულებით გათვალისწინებული პირობებისა;

საჭიროების შემთხვევაში, მოიჯარემ საკუთარი ფინანსური სახსრებით უნდა უზრუნველყოს სსიპ „საჯარო რეესტრის ეროვნულ სააგენტოში” იჯარის რეგისტრაცია და მისი საფასური;

დაიცვას ხელშეკრულების პირობები და მეიჯარეს მოთხოვნისთანავე წარუდგინოს ინფორმაცია ხელშეკრულების მოთხოვნების შესრულების თაობაზე.

ი) მოიჯარე უფლებამოსილია

დაუბრკოლებლად ისარგებლოს იჯარის საგნით;

იჯარის საგანი გამოიყენოს ხელშეკრულებით განსაზღვრული მიზნებისთვის;

დროულად გადაიხადოს საიჯარო ქირა;

გამოიყენოს ხელშეკრულებითა და კანონმდებლობით მასზე მინიჭებული უფლებები. 

კ) ბიჯის სიდიდე: 17 ლარი.

ლ) სარგებლობაში გადამცემის საკონტაქტო ტელეფონი: 577 05 92 92

მ) სარგებლობაში გადაცემის ვადა - 1 (ერთი) წელი.