1. აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

2. აუქციონში გამარჯვებული პირი ვალდებულია ნასყიდობის ხელშეკრულებას ხელი მოაწეროს, აუქციონის დასრულებიდან არაუგვიანეს 15 კალენდარული დღისა, წინააღმდეგ შემთხვევაში უქმდება აუქციონის შედეგი.

3. გამარჯვებულის მიერ გადახდილი "ბე"-ს (საგარანტიო) თანხა ითვლება საბოლოო ანგარიშსწორებისას.

4. თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც აუქციონში მონაწილეობის მისაღებად, დადგენილი წესით, გადაიხადეს „ბე“ ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ აუქციონში მონაწილეობისათვის გადახდილი „ბე“ ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება მუნიციპალიტეტის ბიუჯეტში.

 5. მუნიციპალიტეტის ქონების შემძენი შეიძლება იყოს: მუნიციპალიტეტის ქონების პრივატიზების პროცესში მონაწილეობის უფლების მქონე  ფიზიკური პირი ან იურიდიული პირი ან ასეთ პირთა გაერთიანება, რომლის ქონებაშიც მუნიციპალიტეტის ან საქართველოს სახელმწიფო ხელისუფლების ორგანოს მონაწილეობის წილი 25 პროცენტზე ნაკლებია.

6. საპრივატიზებო მიწის ნაკვეთის მიმდებარედ გადის ლამი-მისაქციელის მაგისტრალური არხის შტო 1-ის გ-81 დახურული პლასტმასის გამანაწილებელი მილსადენი (ს/კ 72.00.757), რომლის გასხვისების ზოლი „სამელიორაციო სისტემების ნაგებობებისათვის მიწის ზოლებისა და ნაკვეთების მიჩენა-გასხვისების საამშენებლო ნორმის დამტკიცების შესახებ“ საქართველოს ურბანიზაციისა და მშენებლობის მინისტრის 30.06.2003 წლის N19 ბრძანების შესაბამისად, მოცემულ შემთხვევაში შეადგენს მილის გარე კედლიდან აღმოსავლეთით 4 მეტრს, ხოლო დასავლეთით 2 მეტრს

ქონების შემძენმა უნდა გაითვალისწინოს გასხვისების ზოლების დაცულობა, საქართველოს მთავრობის 31.12.2013 წლის N409 და N440 დადგენილებით გათვალისწინებული მოთხოვნების შესაბამისად.

7. საპრივატიზებო მიწის ნაკვეთზე გადის სს „საქორგგაზი''-ს კომპანიის დ=90 მმ საშუალო წნევის გაზსადენი, ქონების შემძენი ვალდებულია გაზსადენის უსაფრთხოებისა და მისი ექსპლუატაციის უზრუნველსაყოფად, მშენებლობისას  უნდა დაიცვას საქართველოში არსებული ტექნიკური ნორმები. კერძოდ, ნაგებობები დაცილებული უნდა იყოს კომპანიის საკუთრებაში არსებულ გაზსადენიდან 5 მეტრის მანძილით.

8. საქართველოს მელიორაციის და საქორგგაზის წერილები იხილეთ თანდართული ფაილის სახით.