აუქციონში გამარჯვებული ვალდებულია შეასრულოს შემდეგი პირობები:

ა) საკუთარი ხარჯებით დაარეგისტრიროს სარგებლობის უფლება უძრავ ნივთებზე უფლებათა რეესტრში ხელშეკრულების ხელმოწერისთანავე;

 ბ) გადაიხადოს საიჯარო ქირა, არაუგვიანეს ხელშეკრულებით გათვალისწინებული თარიღისა;

 გ) უზრუნველყოს გადაცემული ქონების მოვლა-პატრონობა, ტექნიკური ექსპლუატაციის წესების და ნირმების დაცვით, ეკოლოგიურ, სანიტარულ-ჰიგიენურ, ხანძარსაწინააღმდეგო ნორმებთან შესაბამისობაში;

 დ) საკუთარი ხარჯებით უზრუნველყოს გადაცემული ქონების სარემონტო და კეთილმოწყობის სამუშაოები.  სამუშაოების ჩატარების თაობაზე წინასწარ უნდა აცნობოს  მუნიციპალიტეტს და წერილობით შეათანხმოს სამუშაოების პროექტი და ჩატარების გრაფიკი;

 ე) გადაიხადოს ქონების კომუნალური მომსახურების გადასახადები დადგენილი ტარიფისა და წესის მიხედვით, რისთვისაც ცალკე გააფორმოს ხელშეკრულება შესაბამის ორგანიზაციებთან. საჭიროების შემთხვევაში საკუთარი ხარჯებით მოახდინოს აბონენტად რეგისტრაცია;

 ვ) ქირავნობის ვადის გასვლის შემდგომ დააბრუნოს ქონება გამართულ მდგომარეობაში;

 ზ) გადაცემული ქონება სარგებლობის უფლებით არ გადასცეს (მათ შორის გააქირაოს, იჯარის, თხოვების ფორმით გადასცეს) მესამე პირს ან სხვაგვარად დატვირთოს იგი მუნიციპალიტეტთან შეუთანხმებლად;

 თ) არ განათავსოს რეკლამა (თავის საქმიანობასთან დაკავშირებული რეკლამის გარდა) გადაცემულ ქონებაზე მუნიციპალიტეტთან შეთანხმების გარეშე;

 ი) ხელშეკრულების პირობების დარღვევის შემთხვევაში სრულად გადაიხადოს პირგასამტეხლო, ხელშეკრულებით დადგენილი ოდენობითა და პირობებით;

 კ) წარუდგინოს მუნიციპალიტეტს წერილობითი ინფორმაცია მოთხოვნისთანავე ხელშეკრულების პირობებით და საქართველოს კანონმდებლობით ნაკისრი ვალდებულების შესრულების მიმდინარეობის თაობაზე შესაბამის დამადასტურებელ დოკუმენტაციასთან ერთად;

 ლ) შეუწყოს ხელი მუნიციპალიტეტის უფლებამოსილ პირს ხელშეკრულების პირობებით გათვალისწინებული ვალდებულებების შესრულების მიმდინარეობის თაობაზე დოკუმენტური და ვიზუალური მონიტორინგის და სხვა უფლებამოსილებების განხორციელებაში;

მ) შეუწყოს ხელი მუნიციპალიტეტის უფლებამოსილ პირს ხელშეკრულების პირობებით გათვალისწინებული ვალდებულებების შესრულების მიმდინარეობის თაობაზე დოკუმენტური და ვიზუალური მონიტორინგის და სხვა უფლებამოსილებების განხორციელებაში;

ელექტრონულ აუქციონში გამარჯვების დამადასტურებელი ოქმი დგება აუქციონის დასრულებისთანავე; ოქმი არის ადმინისტრაციული ორგანოს დაპირება, რომელიც შეიცავს მუნიციპალიტეტის ქონების იჯარით გაცემის ძირითად პირობებს, რომლის შემდგომ ფორმდება საიჯარო ხელშეკრულება.

 მუნიციპალიტეტის ქონების აუქციონის ფორმით სარგებლობის უფლებით გადაცემის შემთხვევაში, აუქციონში გამარჯვებულ პირს შეტანილი ბე/უპირობო და გამოუხმობი საბანკო გარანტია ეთვლება სარგებლობის ხელშეკრულებით გათვალისწინებული ბოლო წლის გადასახდელი საიჯარო ქირის საზღაურის ოდენობაში.

უპირობო და გამოუხმობი საბანკო გარანტიის წარმოდგენის შემთხვევაში მისი მოქმედების ვადა უნდა აღემატებოდეს იჯარის ვადას არანაკლებ 15 კალენდარული დღით.

 თუ ელექტრონული აუქციონი არ შედგება იმ მიზეზით, რომ ელექტრონულ აუქციონში რეგისტრირებული პირები, რომლებმაც გადაიხადეს ბე ან წარადგინეს/გაააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ, გადახდილი ბე ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება დუშეთის მუნიციპალიტეტის ბიუჯეტში.