ჯართი წარმოდგენილია ექსპლუატაციაში ნამყოფი აკუმულატორების სახით, ნაწილობრივ განკომპლექტებული, განმუხტული, აღენიშნება დაზიანებები, არამუშა მდგომარეობაში. წარმოადგენს ბატარეებისა და აკუმულატორების ნარჩენებს.

მოცემული წონა არის სავარაუდო. 

მყიდველი ვალდებულია ქონების მიღებამდე მოახდინოს მისი გადაწონვა სააგენტოს წარმომადგენლის თანდასწრებით, რის შემდეგაც განხორციელდება საბოლოო ანგარიშსწორება.

გაფრთხილება!

აუქციონში მონაწილეობის უფლება აქვთ მხოლოდ აუქციონზე (ინტერნეტ-აუქციონი) გამოტანილი, „ნარჩენების მართვის კოდექსის“ რეგულირების სფეროს დაქვემდებარებული ქონების შეძენაზე უფლებამოსილ შემდეგ პირებს:

ა) ავტორიზებული მწარმოებლის გაფართოებული ვალდებულების ორგანიზაცია (მგვ);

ბ) ავტორიზებული მწარმოებელის გაფართოებული ვალდებულების ორგანიზაციის კონტრაქტორი კომპანია;

გ) ფიზიკური ან იურიდიული პირი, რომელსაც აქვს ნარჩენების მართვასთან დაკავშირებული საქმიანობისთვის შესაბამისი გარემოსდაცვითი გადაწყვეტილება, ინტეგრირებული გარემოსდაცვითი ნებართვა ან ნარჩენების მართვასთან დაკავშირებულ საქმიანობაზე რეგისტრაცია. 

აუქციონში გამარჯვებულის მიერ შესაბამისი ქონების შეძენის უფლებამოსილების სათანადო კომპეტენტურ უწყებაში გადამოწმება განხორციელდება სსიპ - სახელმწიფო ქონების ეროვნული სააგენტოს მიერ. თუკი აღმოჩნდება, რომ  აუქციონში გამარჯვებული პირი არ არის უფლებამოსილი შეიძინოს ელექტრონულ აუქციონზე (ინტერნეტ-აუქციონი) გამოტანილი  ქონება, აუქციონში გამარჯვებულთან ნასყიდობის ხელშეკრულება არ დაიდება, აუქციონის შედეგები ძალას დაკარგავს და აუქციონში გამარჯვებულს წარმოდგენილი უპირობო და გამოუხმობი საბანკო გარანტიის/ბეს თანხა არ დაუბრუნდება.

ყურადღება! 

ყურადღება! უნაღდო ანგარიშსწორების შემთხვევაში, თანხის ანგარიშზე ასახვა აუცილებელია გადამოწმდეს სააგენტოში. ცხელი ხაზი: 1420

აუქციონში გამარჯვებული ვალდებულია ქონების საპრივატიზებო საფასური გადაიხადოს აუქციონის ჩატარებიდან 30 კალენდარული დღის ვადაში, ნასყიდობის ხელშეკრულების გაფორმებამდე.

შენიშვნა: სრული საპრივატიზებო საფასურის გადახდის მიზნით, აუქციონში გამარჯვებულმა აუქციონის ჩატარებიდან 30 კალენდარული დღის ვადაში უნდა განახორციელოს: ელექტრონულ აუქციონზე ვაჭრობის შედეგად დაფიქსირებული საპრივატიზებო საფასურის გადახდა, აღნიშნული თანხის გადახდის შემდგომ, საპრივატიზებო ქონების გადაწონვა და დაზუსტებული წონის შესაბამისი სრული საპრივატიზებო საფასურის გადახდა (თუკი დაზუსტებული წონა აღემატება საპრივატიზებო ქონების მითითებულ სავარაუდო წონას).

აუქციონში გამარჯვებულის მიერ ნასყიდობის ხელშეკრულების გაფორმება უნდა განხორციელდეს აუქციონის ჩატარებიდან 35 კალენდარული დღის ვადაში, ხოლო შესაბამისი საპრივატიზებო ქონების გატანა - ნასყიდობის ხელშეკრულების გაფორმებისთანავე.

ქონების დათვალიერება შესაძლებელია სამუშაო დღეებში: 

სსიპ „სახელმწიფო ქონების ეროვნულ სააგენტო“-სთან შეთანხმებით.

მკაცრად რეკომენდირებულია მყიდველი აუქციონის დასრულებიდან 5 დღის განმავლობაში დაუკავშირდეს  სსიპ „სახელმწიფო ქონების ეროვნულ სააგენტო”-ს მოგებული ქონების გაცემასთან დაკავშირებით.