აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

1.       საიჯარო  ფართი გამოყენებული უნდა იქნას სპორტული წრის ფუნქციონირების მიზნით. საიჯარო ფართში მოიჯარე მეცადინეობებს  განახორციელებს კვირაში 2 დღე, სულ 6 საათი.   მოიჯარეს საიჯარო ფართის სარგებლობის უფლება აქვს სკოლაში სასწავლო პროცესის დასრულების შემდეგ.

2.  საიჯარო ფართი გაიცემა ერთი წლის ვადით,  კომუნალური გადასახადების ჩათვლით. 

3.        მოიჯარე ვალდებულია დაიცვას ეკოლოგიური, სანიტარულ-ჰიგიენური და ხანძარსაწინააღმდეგო ნორმები;

4.      საიჯარო ქირის გადახდა იწარმოებს ყოველთვიურად, თანაბარწილად, არაუგვიანეს მომდევნო თვის 5 რიცხვისა; ან/და მხარეებს შორის მიღწეული შეთანხმების შესაბამისად.

5.      მოიჯარე ვალდებულია დაფაროს ხელშეკრულების გაფორმებასთან დაკავშირებული ხარჯები. მოიჯარეს შეტანილი ბე ჩაეთვლება ხელშეკრულებით გათვალისწინებული სარგებლობის საფასურის ოდენობაში, საბოლოო ანგარიშსწორებისას.

6.         მოიჯარე ვალდებულია დაიცვას  ახალი კორონავირუსის (covid-19) გავრცელების პრევენციის მიზნით სახელმწიფოს მიერ შემუშავებული რეკომენდაციები.

7.      მეიჯარე უფლებამოსილია ყოველგვარი კომპენსაციებისა და ჯარიმის გარეშე ვადამდე გააუქმოს  (ვადაზე ადრე შეწყვიტოს) საიჯარო ხელშეკრულება:

ა) აჭარის ა/რ ფინანსთა და ეკონომიკის სამინისტროს ან/და სსიპ სახელმწიფო ქონების ეროვნული  სააგენტოს წერილობითი მოთხოვნის შემთხვევაში  (მოთხოვნიდან ორი კვირის ვადაში);

ბ) საიჯარო ქირის 2 თვის დავალიანების შემთხვევაში.