სსიპ ქალაქ თბილისის N39 საჯარო სკოლის  შენობის N2 (დამხმარე) კორპუსის პირველ სართულზე  ფართი 60,85კვ.მ. კვების ბლოკის ფუნქციონირებისათვის

პირობა

 1.ფართი იჯარით გაიცემა კვების ბლოკის ფუნქციონირების მიზნით. 

2. პრეტენდენტს მოეთხოვება ხუთწლიანი გამოცდილება აღნიშნულ სფეროში.

3. საწყისი ფასი შეადგენს იჯარის ფორმით ფართით სარგებლობის ერთი წლის  საიჯარო გადასახადს

4.ფართი იჯარით გაიცემა 3(სამი) წლის ვადით

5.საიჯარო ქირაში  შედის მხოლოდ ბუნებრივი აირის გადასახადი.

6.მოიჯარე ვალდებულია დაიცვას ჰიგიენური და ხანძარსაწინააღმდეგო ნორმები,გადაიხადოს კომუნალური გადასახადები  და თავისი საქმიანობით არ შეუშალოს ხელი სასწავლო პროცესს.

7. დახარჯული ელექტოენერგიის და სასმელი წყლის ზუსტი აღრიცხვისათვის მოიჯარე ვალდებულია მოახდინოს გამხოლოებული მრიცხველების მონტაჟი საკუთარი სახსრებით.

8.მოიჯარე ვალდებულია აღჭურვოს კვების ბლოკი ფუნქციონირებისათვის საჭირო დანადგარებით  და ინვენტარით

9.მოიჯარე ვალდებულია თავისი სახსრებით განახორციელოს ფართის კოსმეტიკური რემონტი (სველი წერტილის მოწყობა, კედლების შეღებვა, იატაკის გამაგრება)

10. სსიპ სახელმწიფო ქონების ეროვნული სააგენტოს წერილობითი მოთხოვნიდან არაუმეტეს 2(ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება

11.მოიჯარე ვალდებულია დაიცვას საქართველოს შრომის, ჯანმრთელობისა და სოციალური დაცვის მინისტრის 2015 წლის 27 ოქტომბრის № 01-306 ო ბრძანებით დამტკიცებული საზოგადოებრივი ჯანმრთელობის დაცვის ეროვნული რეკომენდაციები (გაიდლაინი) «ჯანსაღი და უსაფრთხო კვება სკოლაში».

12.გამარჯვებულ პირს შეტანილი  ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას

13.ბაზარზე ფართით სარგებლობის ფასის ზრდის შემთხვევაში მეიჯარეს ეძლევა უფლება ყოველწლიურად შეიტანოს ცვლილება საიჯარო ქირაში დამოუკიდებელი აუდიტის (ექსპერტის) დასკვნის საფუძველზე.

14.მეიჯარეს უფლება აქვს საქართველოს განათლებისა და მეცნიერების სამინისტროს მოთხოვნის საფუძველზე ცალმხრივად შეწყვიტოს ხელშეკრულება თუ ირღვევა ბავშვთა უსაფრთხოებასთან  და უფლებებთან დაკავშირებული რეგულაციები;
15. თუ სახელმწიფო ქონების სარგებლობის უფლების მიღებით დაინტერესებულმა პირმა არ უზრუნველყო აუქციონის მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა, წარდგენილი საგარანტიო თანხა უბრუნდება დაინტერესებულ პირს;

16. თუ ელექტრონული აუქციონი არ შედგა იმ მიზეზით, რომ აუქციონში რეგისტრირებული პირები არ მიიღებენ მონაწილეობას სააუქციონო ვაჭრობაში, ელექტრონული აუქციონის მონაწილეების მიერ  წარდგენილი უპირობო და გამოუხმობი საბანკო გარანტიის/ბეს თანხა სრულად ირიცხება სკოლის ბიუჯეტში;

17.ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიის/ბეს თანხა სრულად ირიცხება სკოლის ბიუჯეტში, თუ ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა;

18.სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის/პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა.

მიმაგრებულ  ფაილებში ასევე, იხილეთ   “სახელმწიფო ქონების განკარგვისას და სარგებლობის უფლებით გადაცემისას ელექტრონული აუქციონის ჩატარების წესის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 10 თებერვლის N1-1/172 ბრძანება.