აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

1)    ობიექტის საწყისი სარეალიზაციო ღირებულება მოცემულია დღგ-ს გარეშე.

2)                 საფასურის გადახდის ვადაა აუქციონის დასრულებიდან 

10 სამუშაო დღე. ანგარიშსწორება უნდა განხორციელდეს უნაღდო ანგარიშსწორების ფორმით. აუქციონში გამარჯვებულთან ნასყიდობის ხელშეკრულების გაფორმება უნდა განხორციელდეს თანხის სრულად გადახდიდან 5 სამუშაო დღეში, ხოლო შესაბამისი საპრივატიზებო ქონების გატანა - ნასყიდობის ხელშეკრულების გაფორმებიდან არაუგვიანეს 3 სამუშაო დღისა.

3)         აუქციონში გამარჯვებულზე საკუთრების უფლება გადადის ხელშეკრულების შესაბამისად საფასურის სრულად გადახდის შემდგომ ქონების ფაქტობრივად გადაცემის მომენტიდან.

4)    საფასურის სრულად გადახდისა და ქონების მისთვის გადაცემის მომენტიდან „მყიდველი“ პასუხისმგებელია მიღებული ქონების მოვლა-პატრონობაზე, დაცვასა და მისგან მომდინარე ყველა რისკზე/შედეგზე, ასევე ამ საქონელთან დაკავშირებული კანონმდებლობით დადგენილი წესების შესრულებაზე.

5)    მყიდველი ვალდებულია, რეგისტრაციას/ნებართვას/ლიცენზირებას დაქვემდებარებული ქონების შეძენის შემთხვევაში დაარეგისტრიროს შესაბამის მარეგისტრირებელ ორგანოში საკუთრების უფლება და განახორციელოს ყველა სხვა შესაბამისი ქმედება.

6)    აუქციონში გამარჯვებულის გამოვლენის კრიტერიუმია საწყის გასაყიდ ღირებულებაზე ბიჯის დანამატის შედეგად მაქსიმალური საფასურის შეთავაზება.

7)    სარეალიზაციო ქონების ადგილმდებარეობაა: ქ. გარდაბანი, დავით აღმაშენებლის ქ. №2ბ.

მყიდველი ვალდებულია, საკუთარი ხარჯით და სახსრებით მოახდინოს ქონების გატანა (დატვირთვა და ტრანსპორტირება).

8)    გამყიდველი უფლებამოსილია, აუქციონის დასრულებამდე გააუქმოს ქონების განკარგვის შესახებ მიღებული გადაწყვეტილება და შეწყვიტოს აუქციონი, ან შეცვალოს პირობები, რა შემთხვევაშიც მონაწილეს ხარჯები არ აუნაზღაურდება.

9)                 ელექტრონული აუქციონის შედეგები უქმდება და გამარჯვებულს წარდგენილი საგარანტიო თანხა არ დაუბრუნდება  იმ შემთხვევაში, თუ აუქციონში გამარჯვებულმა არ გადაიხადა დარჩენილი საფასური სრულად ან უარი განაცხადა ხელშეკრულების გაფორმებაზე.

10)             4665 კილოგრამი  სავარაუდო წონის შავი ლითონის ჯართი შედგება ექსპლუატაციაში ნამყოფი,  დაზიანებული, დემონტაჟის შედეგად მიღებული, ჯართულ მდგომარეობაში მყოფი დეტალებისგან. განთავსებულია ღია ცის ქვეშ, განიცდის კლიმატურ ზემოქმედებას.

ყურადღება!!! ჯართის  წონა არის სავარუდო, მყიდველი ვალდებულია ქონების მიღებამდე მოახდინოს მისი გადაწონვა სადგურის შესაბამისი თანამშრომლის თანდასწრებით, რის შემდეგაც განხორციელდება საბოლოო ანგარიშსწორება.

ქონების დათვალიერება შესაძლებელია სამუშაო დღეებში 11 დან 16 საათამდე.