1.  სასკოლო კვების ორგანიზებისას გაითვალისწინოს ჯანსაღი კვების შემდეგი პრინციპები:

ა) სასკოლო კვების ორგანიზებისას მიზანშეწონილია გამოყენებულ  იქნეს:

ა.ა) შემდეგი სასმელები: წყალი, ხილის წვენი, ხილის კომპოტი, კისელი, ფერმენტირებული რძის სასმელი (იოგურტი), ხილის წვენითა და დაბალცხიმიანი რძით ან იოგურტით დამზადებული სასმელები (სასურველია გამდიდრებული კალციუმით), ჩაი და კაკაო;

ა.ბ) ხილი და ბოსტნეული;

ბ) სასკოლო კვების ორგანიზებისას აკრძალულ უნდა იქნეს შემდეგი პროდუქტების გამოყენება:

ბ.ა) საღეჭი რეზინი, კანფეტები, შოკოლადი, არომატიზირებული წასახემსებლები (მაგ: ჩიფსები. ჟელიბონი და ა.შ.), გარდა თხილეულის, ხილისა და ბოსტნეულის, რომელთაც აქვთ დამატებული მარილი, შაქარი ან ცხიმი;

ბ.ბ) მაიონეზით შეზავებული პროდუქცია;

ბ.გ) სოკო, ნებისმიერი ფორმით;

ბ.დ) დაკონსერვებული პროდუქტები;

ბ.ე) კრემიანი საკონდიტრო ნაწარმი;

ბ.ვ) გაზიანი სასმელი, გარდა გაზიანი მინერალური წყლისა;

ბ.ზ) თერმულად დამუშავებული კვერცხი;

2. საწყისი ფასი ( 5640 ლარი) ჯამურად შეადგენს იჯარის ფორმით ფართით სარგებლობის  12  თვის საიჯარო გადასახადს;

3. ფართი იჯარით გაიცემა 12 (თორმეტი) თვით;

4.საიჯარო ქირაში არ შედის კომუნალური (ელექტროენერგია და წყალი) გადასახადი; მოიჯარე ვალდებულია მოახდინოს კომუნალური მრიცხველების თავის სახელზე განმხოლოება  და კომუნალური გადასახადების დროული გადახდა.

5.მოიჯარე ვალდებულია, დაიცვას ჰიგიენური და ხანძარსაწინააღმდეგო ნორმები, მისი საქმიანობით ხელი არ შეუშალოს   სასწავლო პროცესის ნორმალურ წარმართვას;

6. მოიჯარე ვალდებულია თავად აღჭურვოს საიჯარო ფართი   შესაბამისი ინვენტარითა და აღჭურვილობით;

7. აჭარის ა/რ ფინანსთა და ეკონომიკის სამინიტროს წერილობითი მოთხოვნიდან არა უმეტეს 2 (ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება;

8.  მეიჯარეს უფლება აქვს  აჭარის არ განათლებისა და სპორტის სამინიტროს მოთხოვნის საფუძველზე ცალმხრივად შეწყვიტოს ხელშეკრულება თუ ირღვევა ბავშვთა უსაფრთხოებასთან  და უფლებებთან დაკავშირებული რეგულაციები;

9. გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას;

10. თუ სახელმწიფო ქონების სარგებლობის უფლების მიღებით დაინტერესებულმა პირმა არ უზრუნველყო აუქციონის მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა, წარდგენილი საგარანტიო თანხა უბრუნდება დაინტერესებულ პირს;

11. ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიისბეს თანხა სრულად ირიცხება სკოლის ბიუჯეტში, თუ ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა;

12. სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე/უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა.