ელექტრონულ აუქციონში გამარჯვებული პირის მიერ ელექტრონული ვაჭრობის შედეგად საბოლოოდ დაფიქსირებული თანხის (ბე-ს გამოკლებით) გადახდის შემდეგ სსიპ - აჭარის სატყეო სააგენტო უზრუნველყოფს საშეშე მერქნული რესურსისათვის აჭარის ავტონომიური რესპუბლიკის რესპუბლიკურ ბიუჯეტში „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონის მე-5 მუხლის მე-2 პუნქტში მოყვანილი ცხრილის მიხედვით ტყის მერქნიან სახეობათა შესაბამისი ჯგუფის IV კატეგორიისათვის დადგენილი მოსაკრებლის გადახდას სულ ჯამში 177.82 (ას სამოცდაჩვიდმეტი ლარი და 82 თეთრი) ლარის ოდენობით, ხოლო დარჩენილი თანხა წარმოადგენს მართვის ორგანოს დაფინანსების წყაროს.

 მერქნული რესურსის საკუთრებაში გაცემის მიზნით გამართული ელექტრონული აუქციონის დამთავრებიდან 10 კალენდარული დღის ვადაში აუქციონში გამარჯვებულის მიერ გადახდის დამადასტურებელი ქვითრის წარდგენის შემდეგ ფორმდება ნასყიდობის ხელშეკრულება და გამარჯვებულს საკუთრებაში გადაეცემა მერქნული რესურსი.

ელექტრონული აუქციონი ავტომატურად ითვლება ჩაშლილად, თუ: ა) ელექტრონულ აუქციონზე ვერ განხორციელდა ქონების რეალიზაცია; ბ) წინამდებარე ბრძანების მე-10 პუნქტით გათვალისწინებულ შემთხვევაში აუქციონში გამარჯვებული დადგენილ ვადაში არ გადაიხდის აუქციონზე თავის მიერ დასახელებულ თანხას; გ) დაირღვა კანონმდებლობით განსაზღვრული სხვა მოთხოვნები

ყურადღება! ინტერნეტ აუქციონში მონაწილეობის მისაღებად საგარანტიო თანხის გადახდა შესაძლებელია ვებ-გვერდიდან პლასტიკური ბარათით ან ელექტრონული საბანკო გარანტიის გამოყენებით (ასეთის არსებობის შემთხვევაში) ან eauction.ge-ის ანგარიშსწორების სისტემის სერვისის გამოყენებით (სს "ლიბერთი ბანკის" ნებისმიერ ფილიალში). დაწვრილებითი ინფორმაციისათვის იხილეთ ,,ინფორმაცია გადახდებზე’’ ან დაგვიკავშირდით   სააგენტოს ცხელ ხაზზე: 1420

ნაძვის სახეობის 33,747კუბური მეტრი საშეშე ხე-ტყე და სოჭის სახეობის 55,159 კუბური მეტრი საშეშე ხე-ტყე, სულ 88,906 კუბური მეტრი საშეშე ხე-ტყე, განთავსებულია ღია ცის ქვეშ და განიცდის გარემო პირობების ზემოქმედებას, მერქნული რესურსი საავტომობილო გზიდან განთავსებულია დაახლოებით 5-30 მეტრის დაშორებით

თუ მონაწილე ელექტრონულ აუქციონში ვერ გაიმარჯვებს, მას ბე უკან უბრუნდება, ხოლო გამარჯვების შემთხვევაში ბე-ს თანხა ითვლება აუქციონის საბოლოო/შეთავაზებულ ფასში.

 ბე უკან დაბრუნებას არ ექვემდებარება, თუ: ა) მონაწილე არ მიიღებს მონაწილეობას ვაჭრობაში; ბ) გამარჯვებული დადგენილ ვადაში არ გადაიხდის ელექტრონულ აუქციონზე თავის მიერ დასახელებულ თანხას; გ) აუქციონში გამარჯვებული პირი არ გააფორმებს შესაბამის ხელშეკრულებას.

მერქნული რესურსის საკუთრების უფლებით გაცემის მიზნით გამართულ ელექტრონულ აუქციონში გამარჯვებული ვალდებულია, აუქციონში გამარჯვების დღიდან არაუგვიანეს 10 (ათი) კალენდარული დღის ვადაში სრულად გადაიხადოს მის მიერ აუქციონზე დაფიქსირებული თანხა (ბე-ს გამოკლებით) სსიპ - აჭარის სატყეო სააგენტოს ანგარიშზე - მიმღები: ხაზინის ერთიანი ანგარიში; ანგარიშის N740397309; მიმღები ბანკი: სახელმწიფო ხაზინა; ბანკის კოდი: TRESGE22.

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.