იჯარით გაიცემა სსიპ ქალაქ თბილისის #161 საჯარო სკოლის იოსებიძის ქ. N50-ში (სკოლის პირველი კორპუსი) შენობის სარდაფში მდებარე 185.96 კვ.მ. ფართის ( „გასახდელები“), ასევე პირველ სართულზე არსებული საოფისე ფართი 15.36 კვ.მ, ამავე მისამართზე მდებარე ხუთი სპორტული მოედანი, ორი ტრიბუნით 4527,78კვ.მ. ქუთათელის ქ. #3-ში (სკოლის მეორე კორპუსი) მდებარე სპორტული მოედანი – 712 კვ.მ  ფართები, სპორტული ღონისძიებების განსახორცილებლად. ზემოთ  აღნიშნულ ფართებში არ არის განთავსებული ინვენტარი. 

1. ფართი იჯარით გაიცემა სპორტული ღონისძიებების განსახორცილებლად.

2. საწყისი ფასი შეადგენს 1(ერთი) წლის საიჯარო ქირას.

3. ფართი იჯარით გაიცემა 5 (ხუთი) წლის ვადით.

4. საიჯარო ქირაში არ შედის კომუნალური გადასახადები. კომუნალური გადასახდების გადახდა მოხდება გამხოლოებული მრიცხველის შესაბამისად.

5. მოიჯარეს ფართით სარგებლობის უფლება აქვს დღიურად ორშაბათიდან კვირის ჩათვლით სასწავლო პროცესის დამთავრების შემდეგ.

6. მოიჯარე ვალდებულია დროულად გადაიხადოს საიჯარო ქირა, დაიცვას სანიტარულ-ჰიგიენური და ხანძარსაწინააღმდეგო უსაფრთხოების ნორმები. მოიჯარეს მიერ ფართით სარგებლობამ ხელი არ უნდა შეუშალოს სასწავლო პროცესის ნორმალურად მიმდინარეობას.

7. მოიჯარე ვალდებულია იჯარის ფართით სარგებლობის პერიოდში განახორციელოს სპორტული მოედნების გაუმჯობესების მიზნით 100000 ლარამდე ინვესტიცია.

8. მოიჯარე ვალდებულია საკუთარი ხარჯებით დაარეგისტრიროს საჯარო რეესტრში წინამდებარე იჯარის ხელშეკრულება. 

9. მეიჯარე უფლებამოსილია ხელშეკრულების მოქმედებიდან ყოველი ერთი კალენდარული  წლის გასვლის შემდეგ, მოითხოვოს საიჯარო ქირის გადახედვა და დამოუკიდებელი აუდიტის (ექსპერტის) დასკვნის საფუძველზე შეიტანოს იჯარის ყოველწლიურ/ყოველთვიურ  გადასახად თანხაშიშესაბამისი ცვლილებები, უძრავი ქონების ბაზარზე არსებულიმდგომარეობის გათვალისწინებით.

10. სსიპ სახელმწიფო ქონების ეროვნული სააგენტოს წერილობითი მოთხოვნიდან არაუმეტეს 2 (ორი) კვირის ვადაში გაუქმებული იქნება მოიჯარესთან გაფორმებული იჯარის ხელშეკრულება.

11. მეიჯარეს უფლება აქვს საქართველოს განათლებისა და მეცნიერების სამინისტროს მოთხოვნით ცალმხრივად შეწყვიტოს ხელშეკრულება, თუ ირღვევა ბავშვთა უსაფრთხოებასთან და უფლებებთან დაკავშირებული რეგულაციები.

12. მოიჯარეს მიერ გადახდილი საგარანტიო თანხა (ბე) ჩაითვლება საიჯარო ქირაში საბოლოო ანგარიშსწორებისას.

13. ელექტრონული აუქციონის შედეგები უქმდება და გამარჯვებულის მიერ წარდგენილი უპირობო და გამოუხმობი საბანკო გარანტიის/ბეს თანხა სრულიად ირიცხება შესაბამის ბიუჯეტში, თუ ელექტრონულ აუქციონში გამარჯვებულმა ხელშეკრულებაზე ხელმოწერაზე უარი განაცხადა. 

14. თუ სახელმწიფო ქონების სარგებლობის უფლების მიღებით დაინტერესებულმა პირმა არ უზრუნველყო აუქციონის მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა, წარდგენილი საგარანტიო თანხა უბრუნდება დაინტერესებულ პირს.

15.სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის/პირობების შეცვლისას აუქციონში მონაწილეს მისი წერილობითი მიმართვის საფუძველზე უბრუნდება ბე უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა.

16. აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.