უპირობო და გამოუხმობი საბანკო გარანტიის მოქმედების ვადა არანაკლებ 15 კალენდარული დღით უნდა აღემატებოდეს მუნიციპალიტეტის შეძე¬ნილი ქონების სრული ღირებულების გადახდის ვადას;
თუ პირობებიანი  ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც დადგენილი წესით, გადაიხადეს ბე ან წარადგინეს/გაააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ, გადახდილი ბე ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება ქალაქ მცხეთის მუნიციპალიტეტის ბიუჯეტში.
ელექტრონულ აუქციონში გამარჯვებულ პირსა და ქალაქ მცხეთის მუნიციპალიტეტის მერიას შორის პირობებიანი ელექტრონული აუქციონის დასრულებიდან 5 სამუშაო დღის ვადაში დაიდება ელექტრონული აუქციონში გამარჯვების დამადასტურებელი ოქმი. ოქმის საფუძველზე,7 კალენდარული დღის ვადაში, ფორმდება მუნიციპალიტეტის ქონების მმართველსა და მუნიციპალიტეტის ქონების შემძენს შორის წერი¬ლობითი ნასყიდობის ხელშეკრულება.
 მუნიციპალიტეტის ქონების შემძენმა ნასყიდობის ხელშეკრულების გაფორმებიდან 30 დღის ვადაში, ოქმსა და ხელშეკრულებაში მითითებულ საბანკო ანგარიშზე უნდა შეიტანოს ქონების სრული ღირებულება და ჯეროვნად და დადგენილ ვადაში შეასრულოს ელექტრონული აუქციონით გამოცხადებული პირობები.
- ელექტრონულაუქციონში გამარჯვებულ პირს ბე/უპირობო და გამოუხმობი საბანკო გარანტია ეთვლება საბოლოო ანგარიშსწორებისას;
- ელექტრონული აუქციონის შედეგები უქმდება და ელექტრონულ აუქციონში გამარჯვებულის მიერ წარდგენილი /გადახდილი უპირობო და გამოუხმობი საბანკო გარანტია/ბე სრულად ირიცხება შესაბამის ბიუჯეტში, თუ:
ა) ელექტრონულ აუქციონში გამარჯვებულმა ნასყიდობის ხელშეკრულების ხელმოწერაზე უარი განაცხადა;
ბ) ელექტრონულ აუქციონში გამარჯვებულმა, აუქციონატორის მიერ განსაზღვრულ ვადაში, სრულად არ გადაიხადა ქალაქ მცხეთის მუნიციპალიტეტის შეძენილი ქონების სრული ღირებულება.
-ოქმის მოქმედების პერიოდში შესაბამისი ხელშეკრულებით გათვალისწინებული ქალაქ მცხეთისმუნიციპალიტეტის შეძენილი ქონების სრული ღირებულების სრულად დაფარვამდე, ქალაქ მცხეთის მუნიციპალიტეტის ქონების შემძენს ქონება გადაეცემა პირობადებულ საკუთრებაში, ამასთან ქონების შემძენს, საკუთრების უფლებისდადასტურებამდე, ქალაქ მცხეთის მუნიციპალიტეტის მერთან შეთანხმების გარეშე არა აქვს უფლება ქალაქ მცხეთის მუნიციპალიტეტის მიერ გადაცემული ქონება საკუთრებაში ან სარგებლობის უფლებით გადასცეს სხვა პირს ან უფლებრივად დატვირთოს. ამასთან, იგი პასუხისმგებელია მიღებული ქონების მოვლა-პატრონობასა და დაცვაზე.