ელექტრონულ აუქციონში გამარჯვებული პირი ვალდებულია ნასყიდობის ხელშეკრულების გაფორმებიდან 15 (თხუთმეტი) კალენდარული დღის ვადაში გადაიხადოს შეძენილი ქონების სრული ღირებულება შემდეგ საბანკო ანგარიშზე:

სახელმწიფო ბიუჯეტის ცენტრალიზებული შემოსულობები, ხაზინის ერთიანი ანგარიში - №GE24NB0330100200165022;

მიმღების ბანკი -სახელმწიფო ხაზინა;

ბანკის კოდი - №TRESGE22;

საბიუჯეტო შემოსავლების სახაზინო კოდი - №300813390 (არასასოფლო-სამეურნეო მიწების გაყიდვიდან);

დამატებითი ინფორმაციისათვის მოგვმართეთ: 

ქ.ზუგდიდი, ზვ. გამსახურდიას გამზირი N45

ტელ: (+995 0415) 25 15 30

იყიდება: ქ. ზუგდიდი, ზვ. გამსახურდიას გამზ. N10-ში, 12101კვ.მ მიწა 

ელექტრონული აუქციონის პირობაა:

ა) შესაბამისი ნასყიდობის ხელშეკრულების გაფორმებიდან არაუმეტეს 2 (ორი) წლის ვადაში საპრივატიზებო უძრავ ქონებაზე პირადად ან/და მესამე პირ(ებ)ის მეშვეობით:
ა.ა) საერთაშორისო ოპერატორის (ბრენდის) სახელის მქონე არანაკლებ 120 (ასოცი) ნომრის მქონე სასტუმროს (რომლის იერსახე უნდა შეესაბამებოდეს დადიანების სასახლეთა ისტორიულ-არქიტექტურულ მუზეუმს, კულტურის სამინისტროსთან შეთანხმებული პროექტის მიხედვით) მშენებლობის კანონმდებლობით დადგენილი წესით ექსპლუატაციაში მიღების, აღჭურვის და ფუნქციონირების დაწყების უზრუნველყოფა, რომელიც თავის მხრივ, მოიცავს მაგრამ არ შემოიფარგლება:
ა.ა.ა) არანაკლებ 600 (ექვსასი) კვ.მ ფართის მქონე დარბაზს, ღია და დახურული ტიპის არანაკლებ 10 (ათი) კაცზე გათვლილ არანაკლებ 15 (თხუთმეტი) ერთეულ შეხვედრების ოთახს.
ა.ა.ბ) არანაკლებ 100 (ასი) ავტომანქანაზე გათვლილი ავტოსადგომის მოწყობას.
ა.ბ) არანაკლებ 40 ნომრის მქონე აპარტ-ოტელის მშენებლობა, კანონმდებლობით დადგენილი წესით ექსპლუატაციაში მიღება, აღჭურვა და ფუნქციონირების დაწყების უზრუნველყოფა.

ბ) „ა.ა“ და „ა.ბ“ პუნქტით გათვალისწინებული საპრივატიზებო პირობების შესრულების მიზნით შესაბამისი ხელშეკრულების გაფორმებიდან არაუმეტეს 2 (ორი) წლის ვადაში, არანაკლებ 20 000 000 (ოცი მილიონი) აშშ-დოლარის ექვივალენტი ეროვნულ ვალუტაში (ლარი)  ინვესტიციის განხორციელება;

გ) „ა.ა“ და „ა.ბ“ პუნქტით გათვალისწინებული საპრივატიზებო პირობის შესრულებიდან არაუმეტეს 3 (სამი) თვის ვადაში, ამავე პუნქტით გათვალისწინებულ სასტუმროში ან/და აპარტ-ოტელში არანაკლებ 100 (ასი) ადამიანის დასაქმება, არანაკლებ 3 (სამი) წლის ვადით;