შ.პ.ს "მთის კურორტების განვითარების კომპანია" აცხადებს აუქციონს ყაზბეგის რაიონში, დაბა გუდაურში მდებარე 132 კვ.მ ხის კოტეჯით იჯარის (ქირავნობით) სარგებლობის უფლებაზე მის ქვეშ არსებული მიწის ნაკვეთის გარეშე. აუქციონში მონაწილეობის უფლება აქვს ნებისმიერ ფიზიკურ ან კერძო სამართლის იურიდიულ პირს,რომელსაც აქვს საქართველოში სამეწარმეო საქმიანობის განხორციელების უფლება.

აუქციონში გამარჯვებული პირი ვალდებულია, აუქციონის დასრულებიდან არაუგვიანეს 3 სამუშაო დღეში გამოცხადდეს შ.პ.ს "მთის კურორტების განვითარების კომპანიის" ოფისში, მდებარე: ქ. თბილისი, კოსტავას 70-ში  და გააფორმოს იჯარის ხელშეკრულება,  წინააღმდეგ შემთხვევაში აუქციონში გამარჯვებულს არ დაუბრუნდება საგარანტიო თანხა. 

დასაშვებია ხელშეკრულების ვადამდე მოშლა, სსიპ ”სახელმწიფო ქონების ეროვნული სააგენტოს” ან მისი უფლებამონაცვლის მიერ შპა „მთის კურორტების განვითარების კომპანიის” კაპიტალიდან ამოღების ან უფლების გამცემის მიერ მოშლის თაობაზე ცალმხრივი ნების გამოვლენის შემთხვევაში.ხელშეკრულების დასახელებული საფუძვლით მოშლის ვადა განისაზღვროს მოშლის თაობაზე შეტყობინების მიღებიდან არაუმეტეს ორი თვით. ქონებაზე გაწეული ხარჯები არ ანაზღაურდება. 

საიჯარო ქონება, მოიჯარეს გადაეცემა სარგებლობაში, აუქციონის შედეგების საფუძველზე მხარეთა შორის საიჯარო ხელშეკრულების გაფორმებიდან გუდაურში 2015-2016 წლის სათხილამურო სეზონის ოფიციალურად დახურვამდე (დასრულებამდე).

აუქციონში გამარჯვებული პირი ,  ვალდებულია, შესაბამისი ხელშეკრულების გაფორმებიდან,  შპს „მთის კურორტების განვითარების კომპანიას“ გადაუხადოს მთლიანი საიჯარო ქირა, რომელიც გამოვლინდება აუქციონზე ვაჭრობის შედეგად და რომლის საწყისი სავაჭრო ოდენობა შეადგენს 9900 ლარს, საქართველოში მოქმედი კანონმდებლობით გათვალისწინებული ყველანაირი გადასახადის ჩათვლით, შემდეგი გრაფიკით: საბოლოო თანხის  50%- აუქციონში გამარჯვებულმა პირმა  უნდა გადაიხადოს არაუგვიანეს   2016 წლის 15 თებერვლისა და დარჩენილი 50% გადაიხადოს არაუგვიანეს 2016 წლის 30 მარტისა. 

დამატებითი ინფორმაციისთვის დარეკეთ: 577327002