აუქციონში გამარჯვებული პირი ვალდებულია:

ა) ხელშეკრულების გაფორმების დღიდან 1 კვირის ვადაში უზრუნველყოს სასკოლო კვების ობიექტის გამართულად ფუნქციონირება;

ბ) მოიჯარე ვალდებულია ადგილზე აწარმოოს სარეალიზაციო საკვები პროდუქტები. (გაითვალისწინოს ყოველდღიურ მენიუში საუზმის დასადილის კერძები). უზრუნველყოს ყოველდღიურად სასკოლო კვების ობიექტში შემდეგი ასორტიმენტით მომსახურების გაწევა:

სხვადასხვა დასახელების ცომეული, კერძოდ: სხვადასხვა სახეობის ხაჭაპურები, ლობიანი,ღვეზელები, ხორციანი, ყველიანი და სხვა ვეგეტარიანული/სამარხვო შიგთავსის ბლინჩიკები და ა.შ. სხვადასხვა სახეობის ტკბილეული (შოკოლადები, ორცხობილები,  ); წვენები, გამაგრილებელი გაზიანი სასმელი წყალი,  სენდვიჩები და ჰამბურგერები,რძის პროდუქტები, კვერცხი. ყავა, ჩაი.

შენიშვნა: ასორტიმენტის და ფასების  შეთავაზება ხდება მეიჯარესთნ შეთანხმებით.

გ) მოთხოვნის საფუძველზე წარმოუდგინოს მეიჯარეს საჯარო ქონებასთნ დაკავშირებული ნებისმიერი დოკუმენტი ან/და ინფორმაცია;

დ) აცნობოს მეიჯარეს ყველა იმ გარემოების შესახებ, რამაც შეიძლება გავლენა იქონიოს საჯარო ქონებაზე;

ე) საქართველოს ეკონომიკისა და მდგრადი განვითარების სამინისტროს ან /და საქართველოს ფინანსთა სამინიტროს წერილობითი მოთხოვნიდან არაუმეტეს 2 ( ორი) კვირის ვადაში გააუქმოს საიჯარო ხელშეკრულება;

ვ) საიჯარო ხელშეკრულების მოქმედების პერიოდში არ დაუშვას საიჯარო ფართის კონსტრუქციული სახის ცვლილება;

ზ) მეიჯარის სამართლიანი/დასაბუთებული მოთხოვნის შემთხვევაში, არ გამოიყენოს ესა თუ ის პროდუქტი სარეალიზაციოდ.
თ) უზრუნველყოს ,,სურსათად/ცხოველის საკვებად განკუთვნილი გენეტიკურად მოდიფიცირებული ორგანიზმებისა და მათგან წარმოებული გენმოდიფიცირებული პროდუქტის ეტიკეტირების შესახებ’’ საქართველოს კანონისა და საქართველოს მთავრობის 2015 წლის 07ივლისის #320 დადგენილებით განსაზღვრული მოთხოვნების სრული დაცვა;

ი) უზრუნველყოს ,,ტექნიკური რეგლამენტის -,,საცალო ვაჭრობაში დაუფასოებელი პროდუქციის მიწოდებისა და რეალიზაციის ჰიგიენური პირობების და წესების’’ დამტკიცების შესახებ’’ საქართველოს მთავრობის 2014 წლის 03იანვრის #10 დადგენილებით დამტკიცებული მოთოვნების დაცვა;

კ) უზრუნველყოს მუდმივი ორგანიზებულობის აუცილებელი პირობები, დაიცვას კვების ობიექტის  სისუფთავე, ყოველწლიურად მოახდინოს კვების ობიექტის თანამშრომელთა სანიტარული შემოწმება. პასუხისმგებელია შემოტანილი პროდუქტებისა და მომზადებული კერძების ვარგისიანობაზე.

სკოლაში მოქმედი მონიტორინგის ჯგ. მუდმივად გაუწევს კონტროლს ზემოაღნიშნული პუნქტების შესრულებას და მათი დარღვევის შეთხვევაში სკოლა იტოვებს უფლებას დაარღვიოს დადებული ხელშეკრულება და მოითხოვოს აუქციონშიგამარჯვებულისაგან მიყენებული ზარალის ანაზღაურება.

ლ) მოიჯარეს უნდა ჰქონდეს მუშაობის მინიმუმ 3  წლიანი გამოცდილება

3. ხელშეკრულების მოქმედების პერიოდში მოიჯარეს არ აქვს უფლება სახელმწიფო ქონება განკარგოს, გასცეს სარგებლობის უფლებით ან/და სხვაგვარად დატვირთოს.

4. მოიჯარემ თავად უნდა აღჭურვოს საიჯარო ფართი შესაბამისი ინვენტარით კვების ბლოკის ფუნქციონირებისათვის.  მოახდინოს კომუნალური ქსელების განმხოლოება.

5. მოიჯარე ვალდებულია სარგებლობის  უფლებით მიღებული უძრავი ნივთის სარგებლობის უფლება დაარეგისტრიროს საჯარო რეესტრში.

6. ბაზარზე ფართით სარგებლობის ზრდის შემთხვევაში მეიჯარეს ეძლევა უფლება, ყოველწლიურად შეიტანოს ცვლილება საიჯარო ქირაში დამოუკიდებელი აუდიტის (ექსპერტის)  დასკვნის საფუძველზე.