81,02 მ²  საიჯარო ფართი მდებარეობს სსიპ ქალაქ თბილისის N117 საჯარო სკოლის პირველ სართულზე. ფართი იჯარის ფორმით გაიცემა სკოლის კვების ბლოკის ფუნქციონირებისათვის ინვენტარის გარეშე 3 წლის ვადით.

1. ფართი იჯარით გაიცემა კვების ბლოკის ფუნქციონირებისათვის;

2. საწყისი ფასი ჯამურად შეადგენს იჯარის ფორმით ფართით სარგებლობის ერთი წლის საიჯარო გადასახადს;

3. ფართი იჯარით გაიცემა 3 (სამი) წლის ვადით;

4. საიჯარო ქირაში არ შედის კომუნალური გადასახადის (ელექტროენერგიის,  წყლისა და ბუნებრივი აირის) გადასახადი;

5.  სავალდებულოა მოიჯარეს ჰქონდეს ჰიგიენური სწავლების სერთიფიკატი და ამ სფეროში მუშაობის არანაკლებ 3 წლის გამოცდილება. 

6. მოიჯარე ვალდებულია, დაიცვას ჰიგიენური და ხანძარსაწინააღმდეგო ნორმები, გადაიხადოს კომუნალური გადასახადები და მისი საქმიანობით ხელი არ შეუშალოს სასწავლო პროცესის ნორმალურ წარმართვას;

7.მოიჯარე ვალდებულია, კვების ბლოკის ფუნქციონირებისათვის საჭირო დანადგარებით თავად აღჭურვოს საიჯარო ფართი;

8. სსიპ "სახელმწიფო ქონების ეროვნული სააგენტოს" წერილობითი მოთხოვნიდან არა უმეტეს 2 (ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება;

9. მოიჯარე ვალდებულია დაიცვას საქართველოს შრომის,ჯანმრთელობისა და სოციალური დაცვის მინისტრის 2015წლის 27 ოქტომბრის N01-306/ო ბრძანებით დამტკიცებული საზოგადოებრივი ჯანმრთელობის დაცვის ეროვნული რეკომენდაციები (გაიდლაინი) "ჯანსაღი და უსაფრთხო კვება სკოლაში"

10.გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას;

11.ბაზარზე ფართით სარგებლობის ფასის ზრდის შემთხვევაში მეიჯარეს ეძლევა უფლება, ყოველწლიურად შეიტანოს ცვლილება საიჯარო ქირაში დამოუკიდებელი აუდიტის (ექსპერტის) დასკვნის საფუძველზე;

12. საიჯარო ხელშეკრულების გაფორმებასთან დაკავშირებულ ხარჯებს დაფარავს ქონების სარგებლობის უფლების მიმღები (მოიჯარე).