სსიპ ლევან სამხარაულის სახელობის სასამართლო ექსპერტიზის ეროვნული ბიუროს ადმინისტრაციული შენობის (მდებარე: ქ. თბილისი, ჭავჭავაძის გამზ. N84) პირველ სართულზე - მისაღებსა და მომსახურების ცენტრში  1-1 კვ. მ. ფართის იჯარის წესით გასხვისება - აღნიშნულ ფართზე სავაჭრო აპარატების განთავსების მიზნით (თითოეულ დარბაზში ერთი ერთეული სავაჭრო აპარატი, სულ - 2 აპარატი).

შენიშვნა: სავაჭრო აპარატისა ნიმუშის საილუსტრაციო ფოტო და ბიუროს შენობის ფოტოსურათები იხილეთ თანდართულ ფაილებში.

საკონტაქტო პირი: სსიპ ლევან სამხარაულის სახელობის სასამართლო ექსპერტიზის ეროვნული ბიუროს ეკონომიკური დეპარტამენტის დაგეგმვისა და შესყიდვების სამმართველოს მთავარი სპეციალისტი - თინათინ ჩანადირი. ტელ: 577 344 332

• აღნიშნული ფართი იჯარის წესით გაიცემა - მასზე სავაჭრო აპარატის განთავსების მიზნით. დაუშვებელია მოიჯარის მიერ აღნიშნული ფართის სხვა დანიშნულებით გამოყენება;
• საწყისი თანხა წარმოადგენს ყოველთვიურად გადასახდელ საიჯარო გადასახადს, რომელიც დაზუსტდება აუქციონის დასრლებისას დაფიქსირებული საბოლოო ფასის შესაბამისად (აღნიშნული გადასახადის დაფარვის ვადა და პირობები შეთანხმდება ხელშეკრულების დადების ეტაპზე);
• აუქციონში გამარჯვებული პირი ვალდებულია დაფაროს საიჯარო ხელშეკრულების საჯარო რეესტრში რეგისტრაციის ხარჯები;
• იჯარის წესით ქონება გაიცემა 2017 წლის 31 დეკემბრის ჩათვლით;
• მოიჯარე პასუხს აგებს აპარატის გამართულ მუშაობასა და მასში მოთავსებული პროდუქციის ვარგისიანობაზე.
• აპარატში მოთავსებული პროდუქციის ფასები არსებითად არ უნდა განსხვავდებოდეს ბაზარზე არსებულ ფასებისაგან.
• მოიჯარემ უნდა უზრუნველყოს აპარატის პროდუქციითა (დაფასოებული პროდუქტები, ჩაი, ყავა, შაქარი, მშრალი რძე, ცხელი შოკოლადი და სხვა) და საჭირო ატრიბუტიკით (ერთჯერადი ჭიქები, მოსარევი ჩხირები და სხვა) მომარაგება.
• აპარატის ფუნქციონირებასთან დაკავშირებული ნებისმიერი პრობლემის/ხარვეზის დადგენის შემთხვევაში, მოიჯარემ შეტყობინებიდან უმოკლეს ვადაში (მაგრამ არაუგვიანეს 24 საათისა) უნდა მოახდინოს რეაგირება.
• სხვა პირობები შეთანხმდება მხარეებს შორის ხელშეკრულების დადების ეტაპზე, საქართველოს კანონმდებლობის შესაბამისად.

სავაჭრო აპარატის ტექნიკური მახასიათებლები:

• აპარატი უნდა წარმოადგენდეს მაღალი ინტენსივობის მოხმარების იატაკზე დასადგამ კონსოლური ტიპის აპარატს.
• თითოეული სავაჭროაპარატი განკუთვნილი უნდა იყოს როგორც დაფასოებული საკვების (შოკოლადი, კროასანი, თხილი, მიწის თხილი, მზესუმზირა, ჩიფსები, კრეკერი და ა.შ) და ცივი/გამაგრილებელი სასმელების (გაზიანი სასმელები, ენერგეტიკული სასმელები, წყალი, მინერალური წყალი) ასევე, ცხელი სასმელების (ჩაი, ცხელი შოკოლადი და სხვადასხვა სახის - ESPRESSO, CAPPUCCINO, MOCHACCINO, AMERICANOდა სხვა - ყავა) გაყიდვისათვის.
• აპარატს უნდა გააჩნდეს როგორც ქაღალდის, ასევე ხურდა ფულის მიღებისა და ხურდის დაბრუნების ფუნქცია.
• აპარატის ეკრანზე უნდა გამოისახოს მომხმარებლისათვის საჭირო ინფორმაცია (პროდუქტის ღირებულება, პროდუქციის კოდები, დრო და თარიღი, სერვისული მომსახურების საჭიროების ინფორმაცია).
• სავაჭრო აპარატი უნდა იყოს ახალი. აპარატი არ უნდა იკავებდეს თითოეულ დარბაზში 1 კვ.მ-ზე მეტ ფართს.
• ორივე აპარატი წარმოებული უნდა იყოს 2012 წელს ან 2012 წლის შემდგომ.