შ.პ.ს "მთის კურორტების განვითარების კომპანია" აცხადებს აუქციონს მიწის ნაკვეთზე, მდებარე დაბა გუდაურში პარაპლანებისთვის ასაფრენი ბილიკის მოსაწყობად. 

აუქციონში მონაწილეობის უფლება აქვს ნებისმიერ ფიზიკურ ან კერძო სამართლის იურიდიულ პირს,რომელსაც აქვს საქართველოში სამეწარმეო საქმიანობის განხორციელების უფლება.

ყურადღება!

შეზღუდვა: 

- სარგებლობაში გადაცემულ მიწის ნაკვეთის გამოყენება დასაშვებია პარაპლანებისთვის ასაფრენი ბილიკის გამოსაყენებლად.  

აუქციონში გამარჯვებულ პირს  წარმოეშობა ვალდებულება, ხელშეკრულების შეწყვეტის თაობაზე სსიპ ”სახელმწიფო ქონების ეროვნული სააგენტოს” შეტყობინების მიღების დღიდან ერთ თვეში გამოანთავისუფლოს საიჯარო ქონება. ქონებაზე გაწეული ხარჯები არ ანაზღაურდება. 
საიჯარო ქონება, მოიჯარეს გადაეცემა სარგებლობაში მხარეთა შორის შესაბამისი საიჯარო ხელშეკრულების გაფორმებიდან გუდაურში 2015-2016 წლის სათხილამურო სეზონის დასრულებამდე.
 
აუქციონში გამარჯვებული პირი  ვალდებულია  შპს „მთის კურორტების განვითარების კომპანიას“ გადაუხადოს აუქციონში დაფიქსირებული მთლიანი საიჯარო ქირა,  რომელიც გამოვლინდება აუქციონზე ვაჭრობის შედეგად და რომლის საწყისი სავაჭრო ოდენობა შეადგენს 4900 ლარს, საქართველოში მოქმედი კანონმდებლობით გათვალისწინებული ყველანაირი გადასახადის ჩათვლით.

აუქციონში დაფიქსირებული საბოლოო თანხა დაფიქსირდება როგორც მთლიანი საიჯარო ქირა და გადახდილ უნდა იქნეს შემდეგი პირობებით:

1. აუქციონში გამარჯვებული პირის მიერ 1000 (ერთი) ათასი ლარის გადახდა უნდა მოხდეს არაუგვიანეს 2016 წლის 01 მარტისა;

2. 1500 (ერთი ათას ხუთასი) ლარი გახადილ უნდა იქნეს არაუგვიანეს 2016 წლის 15 მარტისა;

3. ხოლო დარჩენილი თანხა არაუგვიანეს 2016 წლის 30 მარტისა.

საიჯარო ვადა: საიჯარო ვადის ათვლა დაიწყოს მხარეთა შორის შესაბამისი საიჯარო ხელშეკრულების გაფორმების  დღიდან და დასრულდეს დაბა გუდაურში 2015-2016 წლის სამთო- სათხილამურო სეზონის ოფიციალურად დასრულების დღეს.

აუქციონში გამარჯვებული პირი  ვალდებულია აუქციონის დასრულებიდან 3 (სამ) სამუშაო დღეში გამოცხადდეს შ.პ.ს "მთის კურორტების განითარების კომპანიის" ოფისში, მდებარე: ქ. თბილისი, კოსტავას 70-ში  და გააფორმოს იჯარის ხელშეკრულება, წინააღმდეგ შემთხვევაში მას არ დაუბრუნდება საგარანტიო თანხა. 

დამატებითი ინფორმაციისათვის დარეკეთ: 577327002