იჯარით გაიცემა სკოლის ნახევარსარდაფში მდებარე 121,22 კვ/მ ფართი ბუფეტის ფუნქციონირების მიზნით. 

 1.  ბუფეტის ტერიტორიაზე დამონტაჟებულია წყლის მრიცხველი.  მოიჯარე ვალდებულია მოახდინოს ელექტრო -მრიცხველის განმხოლოება. მოიჯარე ვალდებული იქნება იზრუნოს მრიცხველების გამართულად მუშაობაზე, გადაიხადოს კომუნალური გადასახადები დროულად და მრიცხველების ჩვენების შესაბამისად.

 2.  სასკოლო კვების ორგანიზებისას გათვალისწინებული უნდა იქნეს ბავშვთა კვების თავისებურებასთან დაკავშირებული შემდეგი შეზღუდვები:

 არ დაიშვება ძირითად საკვებად კონსერვების გამოყენება (მაგ.: კონსერვირებული სუპი, კონსერვირებული ხორციანი კერძები). ისინი შესაძლებელია გამოყენებულ იქნეს კერძის ერთ-ერთ შემადგენელ ნაწილად (მაგ.: სალათების, ბუტერბროდების, სუპების მომზადებისას);

 ბავშვებისთვის დასალევად გამოიყენება მხოლოდ პასტერიზებული რძე. ნედლი რძის გამოყენება შესაძლებელია თერმულად დამუშავებულ საკვებში;

არ დაიშვება:

 სოკო

 კრემიანი ნამცხვრები და ტორტები

 მაკარონი ხორცის ფარშით;

 კვერცხი ბავშვებს მიეწოდება მხოლოდ თერმულად დამუშავებული სახით;

 საკვების მომზადებისას უპირატესობა ენიჭება მცენარეული ზეთების გამოყენებას;

 დესერტად არ უნდა გაიცეს კანფეტი ან შოკოლადი, ხოლო საღეჭი რეზინის რეალიზება დაუშვებელია.

 მიზანშეწონილი არ არის ისეთი უალკოჰოლო სასმელების გამოყენება, რომლებიც შეიცავს შემდეგ საკვებ დანამატებს: E102, E110, E122, E123, E124, E129, E151, E155, E180;

 საკვები რაციონიდან ამოღებულ უნდა იქნეს ისეთი პროდუქტები, რომლებიც გამდიდრებულია საკვები დანამატებით.

3. მოიჯარე ვალდებულია დაიცვას სანიტარულ-ჰიგიენური, ხანძარსაწინააღმდეგო ნორმები

4. მოიჯარე ვალდებულია ხელი არ შეუშალოს სასწავლო პროცესის მიმდინარეობას.

5. სსიპ სახელმწიფო ქონების ეროვნული სააგენტოს წერილობითი მოთხოვნიდან არაუმეტეს 2 კვირის ვადაში გაუქმებული იქნება საიჯარო ხელშეკრულება.