დუშეთის მუნიციპალიტეტის საკუთრებაში არსებული ქონება-სოფელ მლეთაში მდებარე საზოგადოებრივი საპირფარეშო, 60 კვ.მ. არასასოფლო-სამეურნეო დანიშნულების მიწა და მასზე დამაგრებული შენობა-ნაგებობა (ს/კ 71.62.47.450)

ქირავნობის ვადა შეადგენს ხელშეკრულების გაფორმებიდან  1 (ერთ) წელს

ა) საკუთარი ხარჯებით დაარეგისტრიროს სარგებლობის უფლება უძრავ ნივთებზე უფლებათა რეესტრში ხელშეკრულების ხელმოწერიდან 1 თვის ვადაში;

ბ) გადაიხადოს წლიური ქირა, არაუგვიანეს ხელშეკრულებით გათვალისწინებული თარიღისა;

გ) უზრუნველყოს გადაცემული ქონების მოვლა-პატრონობა, ტექნიკური ექსპლუატაციის წესების და ნორმების დაცვით, ეკოლოგიურ, სანიტარულ-ჰიგიენურ, ხანძარსაწინააღმდეგო ნორმებთან შესაბამისობაში;

დ) გადაცემული ქონება გამოიყენოს გადაცემის მომენტისათვის არსებული ფუნქციური დანიშნულებით (საზოგადოებრივ საპირფარეშოდ). სხვა მიზნით ქონების გამოყენებისას მიიღოს მეიჯარის წინასწარი წერილობითი თანხმობა; 

ე) საკუთარი ხარჯებით უზრუნველყოს გადაცემული ქონების სარემონტო და კეთილმოწყობის სამუშაოები. სამუშაოების ჩატარების თაობაზე წინასწარ უნდა აცნობოს მუნიციპალიტეტს და წერილობით შეათანხმოს სამუშაოების პროექტი და ჩატარების გრაფიკი;

ვ) გადაიხადოს ქონების კომუნალური მომსახურების გადასახადები დადგენილი ტარიფისა და წესის მიხედვით, რისთვისაც ცალკე გააფორმოს ხელშეკრულება შესაბამის ორგანიზაციებთან. საჭიროების შემთხვევაში საკუთარი ხარჯებით მოახდინოს აბონენტად რეგისტრაცია;

ზ) ქირავნობის ვადის გასვლის შემდგომ დააბრუნოს ქონება გამართულ მდგომარეობაში;

თ) გადაცემული ქონება სარგებლობის უფლებით არ გადასცეს (მათ შორის გააქირაოს, იჯარის, თხოვების ფორმით გადასცეს) მესამე პირს ან სხვაგვარად დატვირთოს იგი მუნიციპალიტეტთან შეუთანხმებლად;

ი) არ განათავსოს რეკლამა (თავის საქმიანობასან დაკავშირებული რეკლამის გარდა) გადაცემულ ქონებაზე მუნიციპალიტეტთან შეთანხმების გარეშე; 

კ) ხელშეკრულების პირობების დარღვევის შემთხვევაში სრულად გადაიხადოს პირგასამტეხლო, ხელშეკრულებით დადგენილი ოდენობითა და პირობებით;

ლ) წარუდგინოს მუნიციპალიტეტს წერილობითი ინფორმაცია მოთხოვნისთანავე ხელშეკრულებისპირობებით და საქართველოს კანონმდებლობით ნაკისრი ვალდებულების შესრულების მომდინარეობის თაობაზე შესაბამის დამადასტურებელ დოკუმენტაციასთან ერთად;

მ) შეუწყოს ხელი მუნიციპალიტეტის უფლებამოსილ პირს ხელშეკრულების პირობებით გათვალისწინებული ვალდებულებების შესრულების მომდინარეობის თაობაზე დოკუმენტური და ვიზუალური მონიტორინგის და სხვა უფლებამოსილებების განხორციელებაში; 

ნ) სახელშეკრულებო ურთიერთობის განმავლობაში აუქციონში გამარჯვებულის მიერ განხორციელებული ყველა გაუმჯობესება (მათ შორის მოცილებადი), წარმოადგენს მუნიციპალიტეტის საკუტრებას;

ო) იზრუნოს ნაქირავები ობიექტის მიმდებარე ტერიტორიის დასუფთავებაზე.