სსიპ ქალაქ თბილისის N 175 საჯარო სკოლის მიერ N2 კორპუსის დამხმარე შენობის მეორე სართულზე არსებული 246.80კვ.მ. ფართი გაიცემა იჯარის ფორმით საბავშვო ცეკვის თეატრის ფუქნციონირების მიზნით 3(სამი) წლის ვადით, კვირაში  2-ჯერ , 3-3 საათით,  მოძრავ ქონებასთან ერთად, კერძოდ,  1 (ერთი ) ცალი ,,ივერიის“ ფირმის პიანინო.

1.ფართი იჯარით გაიცემა საბავშვო ცეკვის თეატრის ფუნქციონირების მიზნით.

2. საწყისი თანხა ჯამურად შეადგენს იჯარის ფორმით ფართით სარგებლობის 3( სამი) წლის საიჯარო გადასახადს  კომუნალური გადასახადების გარეშე.

3. ფართი იჯარით გაიცემა 3(სამი) წლის ვადით;

4. მოიჯარეს იჯარით ფართის სარგებლობის უფლება მიეცემა არასასწავლო პერიოდში კვირაში 2-ჯერ 3-3- საათით.

5. საიჯარო გადასახადში არ შედის კომუნალური გადასახადები;

6.მოიჯარე ვალდებულია, დაიცვას ჰიგიენური და ხანძარსაწინააღმდეგო უსაფრთხოების ნორმები. მისი საქმიანობით ხელი არ უნდა შეეშალოს სასწავლო პროცესის ნორმალურად  წარმართვას;

7. სსიპ „სახელმწიფო ქონების ეროვნული სააგენტოს“ წერილობითი მოთხოვნიდან არა უმეტერს 2 (ორი)კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება;

8. გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას.

9.საიჯარო ხელშეკრულების გაფორმებასთან დაკავშირებულ ხარჯებს დაფარავს ქონების სარგებლობის უფლების მქონე პირი (მოიჯარე).

10. მეიჯარე უფლებამოსილია ყოველი ერთი კალენდარული წლის გასვლის შემდეგ, მოითხოვოს საიჯარო ქირის გადახედვა და დამოუკიდებელი აუდიტის (ექსპერტის) დასკვნის საფუძველზე შეიტანოს იჯარის ყოველწლიურ/ყოველთვიურ გადასახად თანხაში შესაბამისი ცვლილებები, უძრავი ქონების ბაზარზე არსებული მდგომარეობის გათვალისწინებით.