სსიპ - ქალაქ თბილისის N161 საჯარო სკოლის 86.09 კვ.მ (მის: იოსებიძის N50) და 96.26 კვ.მ (მის: ქუთათელაძის N3) ფართი, მდებარე სკოლის ძირითადი შენობის N1 და N2 კორპუსის I და II სართულებზე, ორი წლის ვადით გაიცემა იჯარით საკვები ბლოკების ფუნქციონირების მიზნით.

დამატებითი ინფორმაციისათვის დაგვიკავშირდით : 

ტელ : 2 38 51 70; 577 388 545

1) სსიპ ქალაქ თბილისის N161 საჯარო სკოლის 86.09 კვ.მ და 96.26 კვ.მ ფართი იჯარით გაიცემა ორი წლის ვადით.

2) საწყისი თანხა ჯამურად შეადგენს ერთი წლის საიჯარო გადასახადს.

3)საიჯარო ქირაში არ შედის კომუნალური გადასახადები;

4)მოიჯარე ვალდებულია გაუფრთხილდეს სკოლის შენობას, დაიცვას ჰიგიენური, ხანძარსაწინააღმდეგო უსაფრთხოების ნორმები და გადაიხადოს კომუნალური გადასახადები. ამასთან მისმა საქმიანობამ არ უნდა შეაფერხოს სასწავლო პროცესი.

5)მეიჯარეს ეძლევა შესაძლებლობა დამოუკიდებელი აუდიტის (ექსპერტის) დასკვნის საფუძველზე შეიტანოს იჯარის ყოველთვიურ/ყოველწლიურ გადასახად თანხაში შესაბამისი ცვლილებები;

მოიჯარისათვის სავალდებულო მოთხოვნები : 

1) მოიჯარე ვალდებულია მეიჯარესთან (სამეურვეო საბჭოსთან) შეათანხმოს გასაყიდი პროდუქციის მიმდინარე ფასები (მოთხოვნის შემთხვევაში დააკლოს თანხას). პროდუქციის სარეალიზაციო ფასი არ უნდა აღემატებოდეს მის რეალურ საბაზრო ფასს;

2) მოიჯარემ თავად უნდა აღჭურვოს საიჯარო ფართი შესაბამისი ინვენტარით საკვები ბლოკის ფუნქციონირებისათვის;

ხელშეკრულების გაფორმებასთან დაკავშირებულ ხარჯებს დაფარავს მოიჯარე. მოიჯარე ვალდებულია სარგებლობის უფლებით მიღებული უძრავი ნივთის სარგებლობის უფლება დაარეგისტრიროს საჯარო რეესტრში;

მოიჯარის მიერ აუქციონის პირობების დარღვევის, უხარისხო პროდუქციის წარმოების ან ფასის საგრძნობლად გაზრდის შემთხვევაში, მეიჯარე წერილობითი შეტყობინების გაგზავნის შემდეგ, უფლებამოსილი იქნება ცალმხრივად შეწყვიტოს მხარეთა შორის გაფორმებული იჯარის ხელშეკრულება .

ხელშეკრულების სავალდებულო პირობა იქნება : 

"სსიპ სახელმწიფო ქონების ეროვნული სააგენტოს წერილობითი მოთხოვნიდან არაუმეტეს ორი კვირის ვადაში გაუქმებულ იქნას საიჯარო ხელშეკრულება"