უძრავი ქონება - არასასოფლო-სამეურნეო დანიშნულების 250.0 კვ.მ. მიწის ნაკვეთი მდებარეობს ქალაქ წყალტუბოში, რუსთაველის ქ. N25 მიმდებარედ, ცენტრალური პარკის ტერიტორიაზე, რეკრეაციულ ზონაში. რელიეფი არის სწორი, არ შეინიშნება მიწისზედა კლდეები. 

    მესაკუთრე -წყალტუბოს მუნიციპალიტეტი.   საგადასახადო გირავნობა რეგისტრირებული არ არის.

        1.  აუქციონში გამარჯვებული (მოიჯარე) ვალდებულია:

 ა) უძრავი ქონება-არასასოფლო-სამეურნეო დანიშნულების 250.0 კვ.მ. მიწის ნაკვეთი, გამოიყენოს კომერციული დანიშნულებისთვის, განათავსოს წყალტუბოს მუნიციპალიტეტის გამგეობასთან წინასწარ შეთანხმებული დროებითი შენობა-ნაგებობა (მსუბუქი კონსტრუქციის შენობა   ან/და საბავშო გასართობი ატრაქციონის,  სახტუნაო ბატუტის (პატარა ბადეებიანი) ან/და საბავშო ელექტროძრავიანი მანქანების ან/და მსუბუქი კონსტრუქციის სწრაფი კვების ობიექტის განსათავსებლად და სხვა) და საქმიანობა დაიწყოს სარგებლობის ხელშეკრულების გაფორმებიდან არაუმეტეს 6 (ექვსი) თვის ვადაში.

       ბ)  განახორციელოს მიმდებარე ტერიტორიის 2480 კვ.მ მიწის ნაკვეთის მოვლა-პატრონობა, დასუფთავება, წყალტუბოს მუნიციპალიტეტის გამგეობის მიერ საჭიროების შემთხვევაში მოთხოვნამდე. 

        გ)საკუთარი საშუალებებითა და ხარჯებით უზრუნველყოს მოქმედი კანონმდებლობით განსაზღვრულ შემთხვევაში სააუქციონო პირობების შესრულების მიზნით განსახორციელებელი ქმედებებისათვის საჭირო ნებართვის ან/და ლიცენზიის ან სხვა უფლების მოპოვება.

       დ) იჯარით გათვალისწინებული ვადის გასვლის შემდგომ დაკავებული ტერიტორია მოიყვანოს პირვანდელ მდგომარეობაში.

              ე) განახორციელოს აღნიშნული უძრავი ქონების მოვლა-პატრონობა, დაცვა.

             ვ)გადაიხადოს საქართველოს კანონმდებლობით გათვალისწინებული გადასახადი.

1. აუქციონში გამარჯვებულს (მოიჯარეს) ეკრძალება:

              ა) იჯარით გადაცემულ მიწის ნაკვეთზე მიწასთან მყარად დაკავშირებული ნაგებობის (მიწის ნაკვეთის არსებითი შემადგენელი ნაწილი) განთავსება.

             ბ) წყალტუბოს მუნიციპალიტეტის გამგეობის თანხმობის გარეშე იჯარით გადაცემული მიწის ნაკვეთის შემოღობვა.

              3. მეიჯარე უფლებამოსილია გამარჯვებულ პირთან სარგებლობის ხელშეკრულების გაფორმებიდან ყოველი მესამე წლის ბოლო თვეში  გადახედოს საიჯარო ქირის ღირებულებას უძრავი ქონების საწყისი საპრივატიზებო ღირებულების გაზრდის შემთხვევაში.