სსიპ თბილისის კლასიკური გიმნაზია აცხადებს ელექტრონულ აუქციონს და იჯარის ფორმით გაიცემა გიმნაზიის სარგებლობაში არსებული 78,57 კვ.მ. ფართის მქონე უძრავი ქონება (მდებარეობს ჭიჭინაძის ქუჩასა და გიმნაზიის სპორტულ დარბაზს შორის და სკოლის შენობაში შესასვლელთან არაა დაკავშირებული რაიმე ფორმით) ღია კაფეს მოწყობის მიზნით. იჯარის აუცილებელ პირობად განისაზღვრება ტერიტორიის დასუფთავება, სანიტარულ-ჰიგიენური მდგომარეობის დაცვა, მიმდინარე რემონტის განხორციელება, ალკოჰოლიანი სასმელების რეალიზაციის არარსებობა (შესაძლებელი იქნება მსუბუქი კონსტრუქციის მოწყობა).

ფართი იჯარის ფორმით გაიცემა 3 წლის ვადით.

საგარანტიო თანხა ჩაითვლება ხელშეკრულების მოქმედების ბოლო თვეების საფასურში.

მოიჯარე ვალდებული იქნება, მოხმარების შემთხვევაში განახორციელოს ელ. ენერგიის, სასმელი წყლისა და ბუნებრივი აირის გამხოლოება.

ყოველი საიჯარო წლის გასვლისას, გიმნაზიის ინიციატივით, დამოუკიდებელი აუდიტორის დასკვნის საფუძველზე, შესაძლებელია განხორციელდეს საიჯარო გადასახადის ცვლილება.

მოიჯარე ვალდებულია გადაიხადოს მოხმარებული კომუნალური გადასახადები ყოველთვიურად. მოიჯარე ვალდებულია დაიცვას სანიტარული, უსაფრთხოების  და ხანძარსაწინააღმდეგო ნორმები. ასევე ვალდებულია ხელი არ შეუშალოს სასწავლო პროცესის მიმდინარეობას.