სსიპ თბილისის პირველი ექსპერიმენტული საჯარო სკოლა იჯარის ფორმით გასცემს 695.09 კვმ ფართის მქონე სპორტულ დარბაზს კალათბურთის წრის ფუნქციონირების მიზნით. ფართი იჯარის ფორმით გაიცემა მასზე განთავსებულ ინვენტართან ერთად (მერხი-2 ცალი, სკამი _6 ცალი, კარადა _ 3 ცალი, მასწავლებლის მაგიდა _5 ცალი, სეიფი _4 ცალი)

ფართი იჯარის ფორმით გაიცემა საათობრივად: ორშაბათიდან პარასკევის ჩათვლით 16.00 საათიდან 22.00 საათამდე, შაბათ-კვირას 11.00 საათიდან 16.00 საათამდე.

საიჯარო ხელშეკრულების ვადა შეადგენს ხელშეკრულების დადებიდან 3 წლის ვადით,  საწყისი თანხა წარმოადგენს ფართის სარგებლობაში გასაცემი ქონების საწყის წლიურ ღირებულებას.

სკოლა იტოვებს უფლებას დამოუკიდებელი აუდიტორის დასკვნის საფუძველზე შეიტანოს იჯარის ყოველწლიური/ყოველთვიური გადასახადი თანხაში ცვლილებები.

გამარჯვებული პრეტენდენტი ვალდებული იქნება გაარემონტოს საშხაპისთვის განკუთვნილი 80. 03  კვ.მ. ფართი, დაიცვას სანიტარულ–ჰიგიენური ნორმები, ყოველდღიურად დაასუფთავოს საკუთარი დამლაგებლის მიერ ფართი, დაიცვას სკოლის შინაგანაწესით დადგენილი მოთხოვნები. ამასთან, მხარეებს შორის გაფორმებული ხელშეკრულება საქართველოს კანონმდებლობით გათვალისწინებული წესით უნდა დაარეგისტრიროს საჯარო რეესტრში გამარჯვებულმა პრეტენდენტმა. გამარჯვებული პრეტენდენტი ვალდებულია გადაიხადოს კომუნალური გადასახადი სერთიფიცირებული აუდიტის დასკვნის შესაბამისად ზამთრის სეზონზე 15  ნოემბრიდან   15 აპრილამდე გაზის გადასახადი  თვეში _785,60 ლარი, ხოლო დენის გადასახადი თვეში_97,60 და  წყლის გადასახადი თვეში _ 521,60, ან მოახდინოს განმხოლოება და ყოველთვიურად წარმოადგინოს მრიცხველის ამონაწერები. 

სკოლა იტოვებს უფლებას სკოლის საჭიროებისამებრ ცალმხრივად შეწყვიტოს ხელშეკრულება დასაბუთებული არგუმენტის წარმოდგენის საფუძველზე.

საქართველოს ეკონომიკისა და მდგრადი განვითარების სამინინისტროს მოთხოვნიდან არაუგვიანეს 2 კვირისა გაფორმებული ხელშეკრულება შეწყდება.