ცხადდება პირობიანი ელექტრონული აუქციონი საქართველოს სასჯელაღსრულებისა და პრობაციის სამინისტროს ბალანსზე რიცხული, გარდაბნის რაიონის სოფელ მთისძირში მდებარე #5 პენიტენციური დაწესებულების შენობის ნაწილში არსებულ ფართზე (66,1 კვ.მ.) სამკერვალოს მოწყობის მიზნით, სარგებლობაში იჯარის უფლებით გადაცემის თაობაზე.

საკონტაქტო პირი: თამარ კალანდარიშვილი

მობ: 577282406

პირობიანი აუქციონი ფართის იჯარის უფლებით გადაცემის თაობაზე, სამკერვალოს მოწყობის მიზნით.

• აუქციონში მონაწილეობის მიღება შეეძლებათ იმ კომპანიებს, რომლებსაც გააჩნიათ სახელმწიფო საიდუმლოებაზე დაშვება ( ფორმა #4 );
• აუქციონში გამარჯვებული ვალდებულია ქალთა #5 პენიტენციური დაწესებულების შენობის ნაწილში არსებულ ფართში განათავსოს შესაბამისი სამკერვალო მანქანა -დანადგარები, მოწყობილობები და  ინვენტარი  (საწარმოო საკერავი მანქანების  მინიმალური რაოდენობა 11 ცალი, სიმძლავრით 400 ვატი, საგამომჭრელო ხაზი, საუთოო მოწყობილობა და  სხვა საჭირო ინვენტარი) და მოაწყოს სამკერვალო საწარმო;
• გამარჯვებული ვალდებულია საწარმოში დაასაქმოს არანაკლებ 25 (ოცდახუთი) მსჯვარდებული;
• აუქციონზე გამოტანილი იქნება 1 ლოტი, საწყისი წლიური საიჯარო ღირებულებით 2400  (ორი ათას ოთხასი) ლარის ოდენობით;
• საიჯარო ქირის ღირებულების გადახდა უნდა მოხდეს ყოველთვიურად;
• აუქციონში გამარჯვებული ვალდებულია უზრუნველყოს სამკერვალო მანქანა -დანადგარების გამართულ, მუშა  მდგომარეობაში ყოფნა;
• აუქციონში გამარჯვებული ვალდებულია უზრუნველყოს სამკერვალოს ფუნქციონირების დაწყება საიჯარო ხელშეკრულების გაფორმებიდან არაუგვიანეს 2 (ორი) კვირის ვადაში;
• მეიჯარე იჯარის ხელშეკრულების მიმდინარეობის პერიოდში უფლებამოსილია საკუთარი ძალებით მოახდინოს შიდა სარემონტო სამუშაოები.
• აუქციონში გამარჯვებული ვალდებულია უზრუნველყოს სამკერვალოში შრომითი პირობებისა და  სანიტარულ-ჰიგიენური ნორმების დაცვა;
• სახელმწიფო საკუთრებაში არსებული უძრავი ნივთის სარგებლობის უფლებით გამცემ ორგანოსა და სარგებლობის უფლების მიმღებს პირს შორის იდება ხელშეკრულება სარგებლობის უფლებით ფართის გაცემის შესახებ, რომელიც ექვემდებარება სსიპ „საჯარო რეესტრის ეროვნულ სააგენტოში“ რეგისტრაციას. აუქციონის ფორმით სახელმწიფო ქონების სარგებლობის უფლებით გაცემისას ხელშეკრულება იდება აუქციონის ჩატარებიდან 1 (ერთი) კვირის ვადაში, რეგისტრაციის ვალდებულება ეკისრება აუქციონში გამარჯვებულს;
• აუქციონში გამარჯვებულმა სარგებლობის უფლების საფასური უნდა გადაიხადოს უძრავი ქონების სარგებლობის უფლებით გამცემ ორგანოსა და აუქციონში გამარჯვებულ პირს შორის გაფორმებული ხელშეკრულებით დადგენილი წესით;
• აუქციონის შედეგები უქმდება, თუ აუქციონში გამარჯვებულმა პირმა უძრავი ქონების სარგებლობის უფლებით გაცემის შესახებ ხელშეკრულებაზე ხელის მოწერაზე უარი განაცხადა.
• შედეგების გაუქმების შემთხვევაში აუქციონში გამარჯვებულს საგარანტიო თანხა არ უბრუნდება. 
• სარგებლობის უფლებით გაცემის შესახებ ხელშეკრულებით ნაკისრი ვალდებულებების შეუსრულებლობის შემთხვევაში მხარეთა პასუხისმგებლობის საკითხი განისაზღვრება ხელშეკრულებით;
• აუქციონში გამარჯვებულმა უნდა წარმოადგინოს ხელშეკრულების უზრუნველყოფის გარანტია სახელშეკრულებო თანხის 5% -ის ოდენობით, რომელიც 30 კალენდარული დღით უნდა აღემატებოდეს სარგებლობაში გაცემის ვადას;
• აუქციონში გამარჯვებულთან დადებული ხელშეკრულების გაუქმება შესაძლებელია ქონების განმკარგავი ორგანიზაციის მიერ წერილობითი შეტყობინების ჩაბარებიდან 2 (ორი) კვირის ვადაში უპირობოდ, მიუხედავად აუქციონში გამარჯვებულის მიერ განხორციელებული ინვესტიციებისა. განხორციელებული ინვესტიციები არ ანაზღაურდება;
• მოიჯარე ვალდებულია მოახდინოს დენის, წყლისა და ბუნებრივი აირის მრიცხველის კვანძის მოწყობა (გამხოლოება) საკუთარი სახსრებით ხელშეკრულების გაფორმებიდან უმოკლეს ვადებში, ასევე მოახდინოს მოხმარებული კომუნალური ხარჯების საფასურის ანგარიშსწორება.