იუსტიციის სახლი - ეს არის შენობა, რომლის ფარგლებშიც მოქცეულია სახელმწიფო სერვისების დიდი უმრავლესობა. მისი მიზანი იმ დოკუმენტების გაცემა და მომსახურებების განხორციელებაა, რომელზეც ექსკლუზიური უფლება მხოლოდ სახელმწიფოს გააჩნია.

სსიპ "იუსტიციის სახლის" ფილიალები მოქალაქეებს 400-მდე სახის სერვისს სთავაზობს და დღეში 20,000-ზე მეტ მომხმარებელს ემსახურება. მოქალაქეთა ნაკადების 50% კი თბილისის იუსტიციის სახლის ფილიალის ვიზიტორია.

იუსტიციის სახლში მოქალაქეთა ნაკადების განაწილება ოპერატორებთან, ხდება რიგის მართვის სისტემის მეშვეობით. თითოეული მომხმარებელი იღებს ბილეთს, რომლის საშუალებითაც ხვდება ოპერატორთან. მომხმარებელი, მისთვის საინტერესო მომსახურების მისაღებად, რიგში დგას საშუალოდ 5 წუთი. ამ პერიოდის განმავლობაში, მას თან აქვს რიგის მართვის ბილეთი.

სსიპ "იუსტიციის სახლი" აცხადებს ელექტრონულ აუქციონს ფილიალებში არსებულ რიგის მართვის ბილეთებზე სარეკლამო ადგილის დროებით სარგებლობაში გადაცემაზე.

აუქციონში გამარჯვებულ ორგანიზაციას საშუალება ეძლევა, განათავსოს რეკლამა ერთდროულად 18 ქალაქში არსებულ (იუსტიციის სახლის ფილიალებში) რიგის მართვის ბილეთებზე. ეს ქალაქებია: თბილისი, ბათუმი, ქუთაისი, რუსთავი, ახალციხე, გურჯაანი, თელავი, ყვარელი, ოზურგეთი, მარნეული, გორი, ზუგდიდი, ფოთი, თიანეთი, ყაზბეგი, ბორჯომი, ონი და ლაგოდეხი.

ბილეთები იბეჭდება თერმული პრინტერის საშუალებით და არის შავ-თეთრი, ზომით: 6სმX6სმ-ზე. სარეკლამო ადგილის მაქსიმალური ზომა: 5სმX5სმ.

ფილიალების სამუშაო საათებია:

ორშაბათი-პარასკევი 9:00-18:00 სთ.

1. აუქციონის პირობები განისაზღვრება "სსიპ - იუსტიციის  სახლის ფილიალებში არსებული რიგის მართვის სისტემიდან ამობეჭდილ ბილეთებზე სარეკლამო ინფორმაციის განთავსების წესის" შესაბამისად (დანართი N1).

2. სსიპ - იუსტიციის სახლსა და აუქციონში გამარჯვებულ პირს შორის გასაფორმებელი ხელშეკრულების პროექტი იხილეთ დანართი N2-ის სახით.

3. სსიპ - იუსტიციის სახლის ფილიალებში არსებული რიგის მართვის სისტემიდან ამობეჭდილ ბილეთებზე სარეკლამო ინფორმაციის განთავსების უფლების გადაცემის მიზნით ელექტრონული აუქციონის ჩატარების თაობაზე ბრძანება იხილეთ დანართი N3-ის სახით.

საწყისი თანხა მოიცავს ერთი თვის საფასურს!