ელექტრონულ აუქციონში გამარჯვებული ვალდებულია, ოქმის საფუძველზე, არა უმეტეს 15 (თხუთმეტი) კალენდარული დღის ვადაში აუქციონატორთან გააფორმოს სარგებლობის ხელშეკრულება.

აუქციონში გამარჯვებული პირის მიერ შემოთავაზებული თანხა (საწყისი ფასი + ბიჯი) არის ერთი თვის საიჯარო ქირა.

აუქციონში გამარჯვებულმა პირმა საიჯარო ქირა უნდა გადაიხადოს ყოველთვიურად.

ელექტრონულ აუქციონში გამარჯვებულ პირს გადახდილი ,,ბე" ეთვლება სარგებლობის ხელშეკრულებით გათვალისწინებული ბოლო თვის გადასახდელი ქირის ოდენობაში.

ყურადღება!

საიჯარო მიწის ნაკვეთი აუქციონში გამარჯვებულის მიერ გამოყენებული უნდა იქნას მსუბუქი კონსტრუქციით კაფის მოსაწყობად.

საიჯარო მიწის ნაკვეთის მდებარეობს გარემოს დამცავ ზონა 3-ში (გდზ-3).

აუქციონის დასრულებამდე ქონების დათვალიერება შესაძლებელია სარგებლობაში გადამცემ ორგანოსთან შეთანხმებით.

სარგებლობაში გადაცემის ვადაა 3 (სამი) თვე (სარგებლობის ხელშეკრულების ხელმოწერიდან).

იჯარის ქირის გადახდა აუქციონში გამარჯვებულს არ ათავისუფლებს მიწის სარგებლობისათვის საქართველოს საგადასახადო კოდექსით დადგენილი გადასახადისა და საქართველოს მოქმედი კანონმდებლობით დაწესებული სხვა გადასახდელებისაგან.

სსიპ საჯარო რეესტრის ეროვნული სააგენტოს სარეგისტრაციო მომსახურების საფასურსა და სხვა აუცილებელი დოკუმენტების წარდგენისათვის გაწეულ ხარჯებს ფარავს ქალაქ ფოთის მუნიციპალიტეტის ქონების სარგებლობის უფლებით მიმღები.

დამატებითი ინფორმაციისთვის დაგვიკავშირდით 0493 22-13-59.