საზოგადოებრივი სარგებლობის  საპირფარეშოები მდებარეობს: ქ. ბორჯომში რუსთაველის მოედნის მიმდებარედ და ქ. ბორჯომში კოსტავას სახელობის ბაღის მიმდებარედ.

1. იჯარის ვადა  განისაზღვროს ხელშეკრულების გაფორმებიდან 3 (სამი) წელი;
2. აუქციონში გამარჯვებულმა საკუთარი სახსრებით უზრუნველყოს  საპირფარეშოების ფუნქციონირება;
3. უზრუნველყოს იჯარით გადაცემული ქონების მოვლა-პატრონობა, საპირფარეშოებისთვის აუცილებელი ინვენტარ-მოწყობილობებით, სხვადასხვა ჰიგიენური საშუალებებით. (ქაღალდი, თხევადი საპონი, სადეზინფიქციო, საწმენდი) და სხვა.
4. აუქციონში გამარჯვებული ვალდებულია უზრუნველყოს დღის ნებისმიერ მონაკვეთში საპირფარეშოების დასუფთავება და მოწესრიგება;
5. აუქციონში გამარჯვებულმა ზაფხულის ტურისტულ სეზონზე საპირფარეშოების ფუნქციონირება უზრუნველყოს 08:00 საათიდან არანაკლებ 22: 00 საათამდე, ხოლო დროის სხვა პერიოდში 09:00 საათიდან არანაკლებ 20:00 საათამდე;
6. საპირფარეშოს სარგებლობით მომსახურების ფასი ერთ სულზე არ უნდა აღემატებოდეს 0,50 ლარს;
7. აუქციონში გამარჯვებული ვალდებულია მეიჯარესთან იჯარის ხელშეკრულების გაფორმებიდან 10 (ათი) დღის ვადაში კომუნალური გადასახადების გადამხდელად დარეგისტრირდეს ქვეაბონენტად შესაბამის სამსახურებში;
8. აუქციონში გამარჯვებული ვალდებულია საკუთარი სახსრებით განახორციელოს საპირფარეშოების ფუნქციონირებისათვის საჭირო ყველა ხარჯი, ასევე საკუთარი სახსრებით გადაიხადოს ყველა სახელმწიფო, ადგილობრივი და კომუნალური გადასახადი;
9. საიჯარო ხელშეკრულების მოქმედების ვადაში განახორციელოს იჯარის საგნის მოვლა-პატრონობა, ტექნიკური ექსპლუატაციის, სანიტარულ-ჰიგიენური, უსაფრთხოების (მათ შორის ხანძარსაწინააღმდეგო) წესების და ნორმების დაცვა;
10. ხელშეკრულების დასრულების შემდგომ საიჯარო ქონებაზე განხორციელებული გაუმჯობესებები გადადის მუნიციპალიტეტის საკუთრებაში;
11. აუქციონში გამარჯვებულს უფლება არ ააქვს იჯარის საგანი სარგებლობის ხელშეკრულების მოქმედების პერიოდში, სარგებლობის უფლებით გადასცეს ( მათ შორის გააქირაოს, იჯარის, თხოვების ფორმით გასცეს) იპითეკით ან სხვა რაიმე ფორმით დატვირთოს მუნიციპალიტეტის აღმასრულებელ ორგანოსთან წინასწარი შეთანხმების გარეშე;
12. აუქციონზე, ვაჭრობის შედეგად საწყისი საიჯარო ფასის 100%-ით და მეტი თანხით მატების შემთხვევაში, გამარჯვებული ვალდებულია საბოლოო თანხაზე წარმოადგინოს საბანკო გარანტია, ან სრულად დაფაროს თანხა შესაბამისი ხელშეკრულების გაფორმებამდე;
13. სარგებლობის საფასური გადაიხადოს ხელშეკრულებით დადგენილი წესით და ოდენობით;
14. აუქციონზე გამარჯვებულს გადახდილი ბე/უპირობო და გამოუხმობი საბანკო გარანტია ეთვლება სარგებლობის ხელშეკრულებით გათვალისწინებული საიჯარო ვადის ბოლო წლის ბოლო თვეების ანგარიშსწორებისას;
15. საწყისი თანხა  1800 ლარი შეადგენს ერთი წლის სარგებლობაში გადაცემის საფასურს;
16. აუქციონში გამარჯვებული ვალდებულია აუქციონის დასრულებიდან 15 დღის ვადაში მუნიციპალიტეტის აღმასრულებელ ორგანოსთან გააფორმოს იჯარის ხელშეკრულება.