უძრავი ქონება-არასასოფლო-სამეურნეო დანიშნულების 25 700.00 კვ.მ. მიწის ნაკვეთი, რომელზეც განთავსებულია ხელოვნური ტბა (წყლის სარკე 2,57 ჰა) , მის ირგვლივ არსებული მიწის ნაკვეთი (მწვანე ზოლი- 6 890.00 კვ.მ)  და რკინა-ბეტონის ნაგებობა (N03-152,0 კვ.მ.) მდებარეობს ქალაქი წყალტუბოში "ცივი ტბის" მიმდებარე ტერიტორიაზე, რეკრეაციულ ზონაში.

          მესაკუთრე - წყალტუბოს მუნიციპალიტეტი. საგადასახადო გირავნობა რეგისტრირებული არ არის.

        1.  აუქციონში გამარჯვებული (მოიჯარე) ვალდებულია:

            ა) უძრავი ქონება-არასასოფლო-სამეურნეო დანიშნულების 25 700.00 კვ.მ. მიწის ნაკვეთი, რომელზეც განთავსებულია ხელოვნური ტბა (წყლის სარკე 2,57 ჰა) გამოიყენოს კომერციული დანიშნულებისათვის, მის ირგვლივ არსებულ მიწის ნაკვეთსა (მწვანე ზოლი- 6 890.00 კვ.მ)  და რკინა-ბეტონის ნაგებობაზე (N03-152,0 კვ.მ.) შეუძლია განათავსოს წყალტუბოს მუნიციპალიტეტის გამგეობასთან წინასწარ შეთანხმებული დროებითი შენობა-ნაგებობა (მსუბუქი კონსტრუქციის შენობა).

          ბ)საქმიანობა დაიწყოს სარგებლობის ხელშეკრულების გაფორმებიდან არაუმეტეს 6 (ექვსი) თვის ვადაში.

   გ)საკუთარი საშუალებებითა და ხარჯებით უზრუნველყოს მოქმედი კანონმდებლობით განსაზღვრულ შემთხვევაში სააუქციონო პირობების შესრულების მიზნით განსახორციელებელი ქმედებებისათვის საჭირო ნებართვის ან/და ლიცენზიის ან სხვა უფლების მოპოვება.

           დ) იჯარით გათვალისწინებული ვადის გასვლის შემდგომ დაკავებული ტერიტორია მოიყვანოს პირვანდელ მდგომარეობაში.

        ე) განახორციელოს სარგებლობაში გადაცემული ტერიტორიების  მოვლა-პატრონობა, დასუფთავება და დაცვა.

           ვ)გადაიხადოს საქართველოს კანონმდებლობით გათვალისწინებული გადასახადი.

1. აუქციონში გამარჯვებულს (მოიჯარეს) ეკრძალება:

              ა) იჯარით გადაცემულ მიწის ნაკვეთზე მიწასთან მყარად დაკავშირებული ნაგებობის (მიწის ნაკვეთის არსებითი შემადგენელი ნაწილი) განთავსება.

             ბ) წყალტუბოს მუნიციპალიტეტის გამგეობის თანხმობის გარეშე იჯარით გადაცემული მიწის ნაკვეთის შემოღობვა.

             3. მეიჯარე უფლებამოსილია გამარჯვებულ პირთან სარგებლობის ხელშეკრულების გაფორმებიდან ყოველი მესამე წლის ბოლო თვეში  გადახედოს საიჯარო ქირის ღირებულებას უძრავი ქონების საწყისი საპრივატიზებო ღირებულების გაზრდის შემთხვევაში.