უძრავი ქონება-ქონება-არასასოფლო-სამეურნეო დანიშნულების 400 კვ.მ. მიწის ნაკვეთი და მის ქვეშ განთავსებული მღვიმე მდებარეობს ქალაქი წყალტუბოში "ცივი ტბის" მიმდებარე ტერიტორიაზე, რეკრეაციულ ზონაში. მიწის ნაკვეთი, რომლის ქვეშაც განთავსებულია მღვიმე, დაფარულია ხე-მცენარეებით.

          მესაკუთრე - წყალტუბოს მუნიციპალიტეტი. საგადასახადო გირავნობა რეგისტრირებული არ არის.

 1.  აუქციონში გამარჯვებული (მოიჯარე) ვალდებულია

ა) უძრავი ქონება-არასასოფლო-სამეურნეო დანიშნულების 400.0 კვ.მ. მიწის ნაკვეთი და მის ქვეშ განთავსებული მღვიმე, (რომელიც არ წარმოადგენს ბუნების დაცვის ძეგლს)  გამოიყენოს კომერციული დანიშნულებისთვის, მშენებლობა/რეაბილიტაცია დაასრულოს არაუმეტეს 12 თვის განმავლობაში. ასევე, არაუმეტეს 12 თვის ვადაში საპრივატიზებო პირობების შესრულების მიზნით განხორციელდეს არანაკლებ 150 ათასი  ლარის ოდენობის ინვესტიცია.

          ბ) ინვესტიციის ფარგლებში განახორციელოს:

           ბ.ა) მღვიმეში ენოთეკის მოწყობა.
           ბ.ბ) მღვიმეში შესასვლელი კარის მოწყობა;
           ბ.გ) მღვიმემდე მისასვლელი ბილიკის მოწყობა;
           ბ.დ) მღვიმის გარეთ სანიტარული კვანძის მოწყობა;

           ბ.ე) ყველა არქიტექტორული პროექტი (რენდერი), რომელიც დაკავშირებულია სარგებლობაში გადაცემულ ქონებასთან წინასწარ შეათანხმოს წყალტუბოს მუნიციპალიტეტის გამგეობის შესაბამის სამსახურთან.

          გ) უზრუნველყოს გადაცემულ ქონებაზე საზოგადოებრივი წესრიგის, დასუფთავების და სახანძრო უსაფრთხოების დაცვა;

         დ)საკუთარი საშუალებებითა და ხარჯებით უზრუნველყოს მოქმედი კანონმდებლობით განსაზღვრულ შემთხვევაში სააუქციონო პირობების შესრულების მიზნით განსახორციელებელი ქმედებებისათვის საჭირო ნებართვის ან/და ლიცენზიის ან სხვა უფლების მოპოვება.

          ე) გადაიხადოს საქართველოს კანონმდებლობით გათვალისწინებული გადასახადი.

2. აუქციონში გამარჯვებულს (მოიჯარეს) ეკრძალება:

              ა) იჯარით გადაცემულ მიწის ნაკვეთზე მიწასთან მყარად დაკავშირებული ნაგებობის (მიწის ნაკვეთის არსებითი შემადგენელი ნაწილი) განთავსება.

             ბ) წყალტუბოს მუნიციპალიტეტის გამგეობის თანხმობის გარეშე იჯარით გადაცემული მიწის ნაკვეთის შემოღობვა.

              3. მეიჯარე უფლებამოსილია გამარჯვებულ პირთან სარგებლობის ხელშეკრულების გაფორმებიდან ყოველი მესამე წლის ბოლო თვეში  გადახედოს საიჯარო ქირის ღირებულებას უძრავი ქონების საწყისი საპრივატიზებო ღირებულების გაზრდის შემთხვევაში.