სსიპ აკადემიკოს ილია ვეკუას სახ. ფიზიკა-მათემატიკის ქ. თბილისის N42 საჯარო სკოლა იჯარით გასცემს პირველ სართულზე მდებარე 66.36 კვ.მ ფართს სასკოლო ბუფეტის ფუნქციონირებისთვის

დამატებითი ინფორმაციისთვის დარეკეთ: 577 73 66 86

შენიშვნა: სურათზე ასახული ინვენტარი წარმოადგენს ძველი მოიჯარის საკუთრებას, რომელიც გასატანი აქვს შენობიდან.

• ფართი იჯარით გაიცემა სასკოლო ბუფეტის  ფუნქციონირებისათვის;
• საწყისი ფასი ჯამურად შეადგენს იჯარის ფორმით ფართით სარგებლობის ერთი წლის საიჯარო გადასახადს;
• საიჯარო ქირა გადახდილ უნდა იქნეს ყოველი თვის დასრულებამდე, მიმდინარე თვის 25 რიცხვიდან 30 რიცხვამდე;
• ფართი იჯარით გაიცემა 2 (ორი) წლის ვადით, ინვენტარის გარეშე;
• საიჯარო ქირის გარდა მოიჯარე ვალდებულია გადაიხადოს კომუნალური გადასახადები მრიცხველების ჩვენების შესაბამისად, ხოლო ზამთრის თვეებში, ცენტრალური გათბობის სიტემის ჩართვის შემდგომ, საიჯარო ქირას დაემატება ბუნებრივი აირის გადასახადი;
• გამარჯვებულ პირთან ხელშეკრულება უნდა გაფორმდეს გამარჯვებიდან არაუგვიანეს 15 კალენდარული     დღისა;
• ხელშეკრულების გაფორმების შემდეგ აუქციონში გამარჯვებულ პირს საიჯარო ქირის ყოველ ვადაგადაცილებულ დღეზე (ასეთის არსებობის შემთხვევაში) დაეკისრება გადასახდელი საიჯარო ქირის 0,1%;
• თუ კი აუქციონში გამარჯვებული პირი ხელშეკრულების გაფორმების შემდეგ გადაწყვეტს ხელშეკრულების შეწყვეტას,  მას დაეკისრება პირგასამტეხლო ბე–ს სახით გადმორიცხული თანხის ოდენობით;
• მოიჯარეს ეკრძალება საიჯარო ფართის მესამე პირისთვის სარგებლობაში გადაცემა;
• მოიჯარე ვალდებულია სარგებლობის ვადის ამოწურვის შემდეგ საიჯარო ქონება დააბრუნოს იმავე მდგომარეობაში, როგორშიც მიიღო (ბუნებრივი ცვეთის და ამორტიზაციის გათვალისწინებით);
• სარგებლობაში გადაცემული ფართის დაზიანების შემთხვევაში მოიჯარე ვალდებულია საკუთარი სახსრებით აღმოფხვრას მიყენებული ზიანი;
• გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას;
• მოიჯარე ვალდებულია, დაიცვას ჰიგიენური და ხანძარსაწინააღმდეგო ნორმები, გადაიხადოს კომუნალური გადასახადები და მისი საქმიანობით ხელი არ შეუშალოს სასწავლო პროცესის ნორმალურ წარმართვას;
• მოიჯარე ვალდებულია, კვების ობიექტის ფუნქციონირებისათვის საჭირო დანადგარებით თავად აღჭურვოს საიჯარო ფართი და საჭიროების შემთხვევაში ჩაატაროს აღნიშნული ფართის კოსმეტიკური რემონტი;
• სსიპ "სახელმწიფო ქონების ეროვნული სააგენტოს" წერილობითი მოთხოვნიდან არა უმეტეს 2 (ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება;
• ბაზარზე ფართით სარგებლობის ფასის ზრდის შემთხვევაში მეიჯარეს ეძლევა უფლება, ყოველწლიურად შეიტანოს ცვლილება საიჯარო ქირაში დამოუკიდებელი აუდიტის (ექსპერტის) დასკვნის საფუძველზე;
• საიჯარო ხელშეკრულების გაფორმებასთან დაკავშირებულ ხარჯებს დაფარავს ქონების სარგებლობის უფლების მიმღები (მოიჯარე);
• მოიჯარე ვალდებულია დაიცვას საქართველოს შრომის, ჯანმრთელობისა და სოციალური დაცვის მინისტრის 2015 წლის 27 ოქტომბრის N01-306/ო ბრძანებით დამტკიცებული საზოგადოებრივი ჯანმრთელობის დაცვის ეროვნული რეკომენდაციები (გაიდლაინი) "ჯანსაღი და უსაფრთხო კვება სკოლაში";
• მოახდინოს იჯარის უფლების რეგისტრაცია საჯარო რეესტრში, აანაზღაუროს რეგისტრაციასთან დაკავშირებული ხარჯები.